POP 5

Lajmet më të lexuara të 5 minutave të fundit

Kronikë

Dy turiste të vdekura në Qafë-Valbonë, bien në greminë teksa po eksploronin zonën! Policia po tenton të nxjerrë trupat, terreni i vështirë

Trupat dy turistëve janë gjetur të pajetë në Qafë-Valbonë. Dyshohet se dy turistët e huaj janë rrëzuar në një zonë të thepisur dhe kanë përfunduar në gremin

Dy turiste të vdekura në Qafë-Valbonë, bien në greminë teksa po eksploronin zonën! Policia po tenton të nxjerrë trupat, terreni i vështirë

Pamje nga zona e Qafë-Valbonës

KUKËS- Dy turiste kanë humbur jetën teksa po eksploronin zonën në Qafë-Valbonë. Turistet e huaja, po lëviznin në shtegun Valbonë-Theth, pa asnjë shoqërues që njeh zonën dhe si pasojë e terrenit të ashpër dhe kushteve jo të favorshme atmosferike, me mjegull e borë, kanë rrëshqitur dhe kanë përfunduar në greminë.

Trupat e pajetë të dy turisteve shtetases belge B. M. dhe shtetases franceze J. B. janë gjetur në vendin e quajtur Qafë-Vlabonë, por ende nuk janë nxjerrë nga gremina. Sipas policisë për shkak të terrenit të ashpër si edhe kushteve atmosferike as helikopteri nuk ka mundur të ulet në vendin ku janë gjetur trupat e pajetë.

Për të mundësuar nxjerrjen e trupave të pajetë, shërbimet e Policisë vendore dhe të asaj kufitare, si dhe skuadra alpine, po bashkëpunojnë me Emergjencat Civile dhe me Ministrinë e Mbrojtjes. Grupi hetimor i Drejtorisë Vendore të Policisë Kukës ndodhet në vendngjarje dhe në drejtimin e Prokurorisë, po punon për zbardhjen e rrethanave të kësaj ngjarjeje dhe për përcaktimin e shkakut të humbjes së jetës së dy turisteve.

Edhe më parë janë shënuar raste tragjike gjatë kalimit të shtegut Theth-Valbonë, pasi turistët e huaj të cilët eksplorojnë zonën nuk e njohin terrenin. Ndërkohë një rast tragjik u shënua edhe një ditë më parë edhe në kanionet e Osumit, ku rrjedha e lumit mori para turistin holandez, Jules Schurmmans, trupi i të cilit ende nuk është gjetur.

Në një intervistë për Report Tv, drejtuesi i Federatës së Raftign, Zamo Spathara, tha se duhet të forcohet kuadri ligjor, sepse turistët e huaj nuk e njohin rrezikun e lumenjve e maleve tona.

“Ne bëmë një program një studim për lumenjtë e rrezikshëm dhe aktivitetet ujore dhe nivelin e vështirësisë së lumenjve, por ministria nuk e miratoi. Na duhet të jetë ligji i fortë ne gjithmonë hasim në probleme, njerëz të pashoqëruar  që s’kanë njohje për këtë lum dhe nuk e di me çfarë has! Përsëri do të ndodhin këto incidente. Edhe sot arritëm të shpëtojmë një austriak që kishte hyrë në lumë pa veshje dhe i pashoqëruar”, tha Zamo Spathara - Federata Shqiptare Rafting 

M.Q./A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 10/05/2023 01:37

    Ne fakt,shteti duhet te krijoje nje guide elektronike qe te mund te perdoret nga turistet edhe kur nuk jane te shoqeruar,si p.sh.cilet lumenj jane te notueshem dhe te navigushem e ne cilat pjese,cilat zona malore jane te mundeshme te eksplorohen,ku,kur dhe si,po keshtu dhe shpellat,pyjet,shtigjet,etj.Dhe keto info.te rinovohen vazhdimisht ne varesi te stines e motit.

    Përgjigju
  • Endriti: 09/05/2023 20:53

    Kush pjerdh tek ne aman. A do behet ndonje kompleks vilash luksoze 800 mij Euroshe anej ate na thuj. Dashke studim ti.

    Përgjigju
  • Sondazhi i ditës:

    Kush ka mbajtur qëndrimin më të saktë rreth situatës në veri të Kosovës?

Lajme të tjera



×

Lajmi i fundit

Shqiptari tregon momentet e tmerrit kur autobusi ra nga mbikalimi në Itali: Askush nuk më ndihmoi, nëse do ndodhte, të tjerë do të ishin shpëtuar

Shqiptari tregon momentet e tmerrit kur autobusi ra nga mbikalimi në Itali: Askush nuk më ndihmoi, nëse do ndodhte, të tjerë do të ishin shpëtuar

5 Tetor, 01:14