Po kujtonte fëmijët e vrarë gjatë bombardimeve, kryeministri palestinez shpërthen në lot gjatë fjalimit (VIDEO)

Ndërkohë që luftimet e ashpra janë duke vijuar mes Hamasit dhe ushtrisë izraelite në Rripin e Gazës, numri i viktimave civile mes të cilëve edhe fëmijë, rritet pa ndalim.

Kjo ka prekur edhe kryeministrin palestinez Mohammad Shtayyeh, i cili nuk arriti të kontrollonte emocionet gjatë një deklarate për shtyp.

Ai kishte mbledhur kabinetin e tij ku po fliste për një nënë, fëmijët e të cilës janë varrosur për së gjalli nën rrënoja në Gaza.

E duke tentuar ta shpjegojë deri në fund historinë e kësaj gruaje palestineze, Shtayyeh shpërtheu në lot – duke mos mundur ta vazhdojë fjalimin.

Ndër të tjera, ai rikujtoi momentet kur fëmijët palestinezë filluan t’i shkruajnë emrat e tyre në trup, me qëllim që të mund të identifikohen në rast se vriten gjatë sulmeve ajrore të izraelitëve.

 

 

Lajmi kryesor:

Lufta/ Hamasi lëshon 16 raketa nga Libani! OKB nis një plan të ri ndihme humanitare prej 1.2 miliardë dollarësh për palestinezët

B.V/Shqiptarja.com

TAG:
• lufta ne rripin e gazes
• antonio tajani