POP 5

Lajmet më të lexuara të 5 minutave të fundit

Kronikë

'Po na kalben në magazina', fermerët e Korçës kërkojnë treg për shitjen e mollëve

Fermerët e qarkut të Korçës vuajnë mungesën e tregut të shitjes së mollëve, duke çuar në kalbjen e tyre. Ata ankohen se çmimi i ulët po i çon drejt falimentit.

Mungesa e tregut dhe çmimi i ulët po detyrojnë fermerët korçarë të heqin dorë nga kultivimi i mollëve, një prej kulturave disa vjeçare të qytetit. Fermerët ankohen se po shkojnë drejt falimentimit dhe se tonelata të tëra molle të kultivuara po mbetet stok duke u prishur. Nga fshati Zvezdë në Bashkinë e Maliqit, fermerët kërkojnë që shteti të luajë rolin e rregullatorit të tregut, pasi dëmi financiar është tepër i lartë dhe nuk mbulohet as kostoja e prodhimit të mollëve.

'Prodhimi ka qenë shumë i mirë dhe i pastër, por tregu është shumë i dobët në karshi me mollët që ne kemi prodhuar. Tani molla merret këtu nga tregtarët me 15 lekë dhe në Tiranë molla shkon në 80 lekë si ka mundësi. Qumështi po vjen nga Serbia, molla po vjen nga Serbia. Unë kam 2200 kuti akoma në shtëpi të pa shitura. Unë kështu po rrezikohet t'i heq fare mollët për çfarë t'i mbaj po më kalben, shteti të jetë një rregullator i tregut', tha një fermer

Fermerët kërkojnë ndihmë nga shteti për krijimin e një tregu të sigurt ku të shesin prodhimet e tyre.

'Me tregun e mollës jemi zero, saç kam shpenzuar për punimet e mollës ne nuk i shlyejmë dot as ato', tha një fermer.

'Unë kam shpenzuar 800 mijë lekë dhe me 20 lekë mollët unë kam marrë 600 mijë lekë, unë kam dalë minus me mollët. Duam ndihmë që t'i shesim ato që prodhojmë', tha një fermer tjetër.

Qarku i Korçës, një ndër prodhuesit më të njohur në vend për kultivimin e varieteteve të ndryshme të mollës, prodhon çdo vit 80 deri 100 mijë ton mollë. Vitet e fundit prodhimi më i madh i tyre po përfundon në kanal. Kjo ka detyruar një pjesë të mirë të fermerëve të zëvendësojnë pemëtarinë e mollës me të tjera kultura.

 

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • naimi: 30/01/2020 21:20

    COJINI PER EKSPORT,, ne rusi e Ukraine,,apo poloni,,...ose vendet arabe...lidhni mareveshje mos flini gjume….

    Përgjigju
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze