POP 5

Lajmet më të lexuara të 5 minutave të fundit

Pogradec/ Banorët e Gështanjasit në protestë: Firma që ka hapur kanalet e ujërave të zeza ka dëmtuar rrugën, ta rikonstruktojë aksin

Dhjetëra banorë të fshatit Gështenjas në Pogradec kanë dalë këtë mëngjes në protestë duke bllokuar rrugën kryesore që të çon në këtë fshat. Kjo është dita e dytë e protestës.  Sot banorët janë më të shumtë në numër, krahasuar me një ditë më parë ndërsa kanë bllokuar rrugën dhe punimet.

POGRADEC- Banorët e fshatit Geshtenjas në bashkinë e Pogradecit në ditën e dytë të protestës së tyre kanë bllokuar rrugën dhe punimet. Ashtu si në fshatin Guras edhe në këtë fshat prej ditësh është duke u implementuar projekti i punimeve për kanalizimin e ujërave të zeza, por banorët i shqetëson fakti që rruga e tyre nuk është rikthyer më në gjendjen e mëparshme.

Sipas tyre, rruga është shtruar me cilësi të dobët aq sa të prishet edhe duke u shkelur me këmbë, e për këtë arsye ndërhyrje të menjëhershme nga institucioni i bashkisë.

“Protestoj se po hamë tymin dhe punimet janë me cilësi të dobët, le të dalë njëri që di nga ndërtimi dhe të thotë, ja e pe si prishet dhe me këmbë, kjo është puna, firma i prishi me kamionë”, tregon banori.

Në terren ka zbritur edhe nën kryetari i bashkisë së Pogradecit, Paskalino Ziko i cili tha se bashkia ka ngritur një grup që do të  verifikojë pretendimin e banorëve.

“Po implementohet projekti, të gjitha rrugët me asfalt dhe janë dëmtuar, duhet të rikthehen në gjendjen e mëparshme, banorët kanë pretendime për cilësinë, Bashkia dhe supervizorët do kryejnë testimet e nevojshme për të parë cilësinë dhe kompania do bëj të gjitha punimet sipas standarteve”, u shpreh Paskalino Ziko, nën kryetar i bashkisë Pogradec.

Ky është fshati i dytë në bashkinë e Pogradecit që protestojnë për të njëjtën problematikë. 1 javë më parë protestoi edhe fshati Guras.

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33