Pogradec/ Dyshohet se ngacmonte seksualisht 2 nxënëset e tij, gjykata cakton '40 ditë burg' për drejtorin e shkollës 9-vjeçare Adriatik Haxhillarin! Mohon akuzat

Gjykata e Pogradecit ka vendosur masën e sigurisë arrest me burg me afat 40 ditë për drejtorin e shkollës 9-vjeçare në në fshatin Stropckë në Pogradec, Adriatik Haxhillari, i akuzuar se ka ngacmuar seksualisht dy nxënëset e tij të mitura. Prokuroria ka sekuestruar telefonat e vajzave dhe të Haxhillarit dhe janë dërguar për ekzaminim, nëse kanë shkembyer ose jo mesazhe. Ndërkohë i vetmi mesazh që prokuroria ka në dorë është një ikone kafeje që drejtori i ka nisur njerës prej nxënësve, por që më pas e ka fshirë. 

Nga ana tjetër, sipas avokatit të Haxhillari, ai nuk i pranon akuzat dhe e shfaq veten të pafajshëm.

Seanca u mbajt me dyer të mbyllura për shkak të çështjes në gjykim, ndërsa në seancë nuk u lejua as prania e familjarëve të të akuzuarit. Jashtë kamerave, familjarët e Haxhillarit mohojnë akuzat e ngritura ndaj tij, duke thënë se i është ngritur kurth për shkak të postit.

59 vjeçari Adriatik Haxhillari akuzohet për veprën penale të "ngacmimit seksual" ndaj dy nxënëseve të tij 14-vjeçareve.

Ngjarja e rëndë u denoncua disa ditë më parë, ndërsa sipas deklaratës së 2 të miturave, ai i vijonte ngacmimet seksuale prej më shumë se 1 muaji.

Në prani të psikologëve dy vajzat e mitura të cilat kanë pranuar se drejtori u ka bërë shenja gjatë mësimit. Po ashtu, ai u ka dërguar mesazhe ngacmuese në orët e natës.

Vajzat e mitura nuk kanë treguar në familje në lidhje me ngacmimet dhe as kanë denoncuar, ndërsa bëhet me dije se mesazhet e para janë parë nga vëllai i njërës prej vajzave e cila i kishte prindërit në Greqi dhe shqetësohej me thirrje në telefon në orën 11 të natës.  Më pas i vëllai i ka shkuar te takojë drejtorin dhe e ka goditur, ndërsa të nesërmen drejtori e ka thirrur për t'i kërkuar ndjesë.

Po ashtu mësohet se Haxhillari shkonte në shkollë i dehur, pasi konsumonte alkool çdo ditë në lokalin e fshatit para fillimit të mësimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lezhë, shoferi del nga makina e grushton kalimtarin,se i kërkoi të priste të kalonte rrugën

Lezhë, shoferi del nga makina e grushton kalimtarin,se i kërkoi të priste të kalonte rrugën