Pogradec, gjendet i vdekur
37 vjeçari, dëmtime në kokë

POGRADEC- Një 37 vjeçar është gjetur i vdekur në dalje të qytetit të Pogradecit. Policia bën të ditur se viktima i identifikuar si Mirash Dekollari nga fshati Vërdovë, ka dëmtime në kokë të shkaktuara nga goditja me mjete të forta.
Ai është gjetur nga kalimtaret pranë vendit te quajtur “Fortesa e pare” ne pronën e kushëririt te tij.

Një grup hetimor ka nisur veprimet hetimore në vendngjarje. Policia po heton për zbardhjen e kësaj ngjarje në dy pista atë të një vrasjeje të mundshme apo aksident me pasojë vdekjen.  Policia ka shoqëruar ne komisariat disa persona nder ta edhe kushëririn e tij.