Pogradec/ I akuzuar për trafik klandestinësh, gjykata arrest me burg afganin! Dyshohet për disa identitete, kërkohet krahasimi i shenjave të gishtërinjve

Pogradec/ I akuzuar për trafik klandestinësh, gjykata arrest me burg afganin! Dyshohet për disa identitete, kërkohet krahasimi i shenjave të gishtërinjve

Shoqërimi i Rezo Agbarit në komisariat

Gjykata e Pogradecit ka lënë në burg afganin Rezo Agbari i akuzuar për trafikim klandestinësh.

Arrestimi u bë 3 ditë më parë, ndërkohë që gjykata ka vendosur me kërkesë të prokurorisë për të, dhe Xhosias Hoxha masën e sigurisë arrest me burg.

Gjykata i ka kërkuar krahasimin e shenjave të gishtave, pasi ka dyshime të forta se 20 vjeçari jo vetëm ka identitet tjetër, por akoma më tej mosha e tij është më e madhe.

E gjithë kjo, lidhet edhe me dyshime po se shtetasi Rezo Agbari është kapur edhe herë të tjera nga policia kufitare dhe Frontex, dhe sa herë është arrestuar ka paraqitur identitete të tjera.

Ndaj 20 vjeçarit prokuroria e Pogradecit ka dyshime se ky person është ai që ka kryer transportimin e shtetasve që vijnë nga vendet me konflikt nga kampet greke të rrefugjatëve drejt kryeqytetit dhe më pas drejt vendeve te BE-së.

Policia kufitare në juglindje të vendit ka bërë me dije se pas arrestimit të shtetasit afgan, pothuajse ka pushuar transportimi i shtetasve të huaj nga Devolli drejt Tiranës, çka dhe për policinë tregon se ky shtetas në bashkëpunim me persona të tjerë, kanë kryer gjatë gjithë kësaj kohe transportin e klandestinëve.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Rezultat historik për boksin shqiptar, Alban Bermeta mes 20 më të mirëve në botë (FOTO)

Rezultat historik për boksin shqiptar, Alban Bermeta mes 20 më të mirëve në botë (FOTO)