POP 5

Lajmet më të lexuara të 5 minutave të fundit

Kronikë

Pogradec/ I gjenden arsenal armatimi dhe municionesh në banesë, arrestohet 65-vjeçari! Sekuestrohen kallash, kapsolla detonatore dhe fitil zjarrpërcjellës (EMRI+VIDEO))

Aksioni pasditen e sotme. I dyshuari Xhevahir Cake u kap në banesë me armë të tipit “Kallashnikov”, ndërsa gjatë kontrollit të mëtejshëm ju gjetën municione të tjera, si fitila tritoli dhe kapsolla detonatore

Pogradec- Aksioni i Policisë së Pogradecit vë në pranga një 65-vjeçar pas informacioneve të mbledhura në rrugë operative, të cilit i është zbuluar një bazë armatimi e municionesh në banesë. 

Operacioni është koduar "Gurrasi" dhe u krye pasditen e sotme (4 Dhjetor). I arrestuari është Xhevahir Cake, i cili u shoqërua në Komisariatin e Pogradecit.  

Burime policore bënë me dije se i dyshuari u kap fillimisht në banesë me armë të tipit “Kallashnikov”, ndërsa gjatë kontrollit të mëtejshëm ju gjetën municione të tjera, si kapsolla detonatore dhe fitil tritoli. 

“Gjatë kontrollit të banesës, shërbimet e Policisë gjetën një armë zjarri automatik, një sasi municioni luftarak, kapsolla detonatore dhe elektrike dhe fitil zjarr përcjellës, të cilat u sekuestruan në cilësinë e provës materiale”, bëri me dije policia.

Gazetari i Report TV, Armand Braho, informon se aksioni u finalizua vetëm pak momente më parë, ndërsa në vendngjarje kanë mbërritur forca të shumta policie, që po bëjnë hetimin lidhur me këtë person. 

Në përfundim të veprimeve të para hetimore u bë arrestimi në flagrancë i 65-vjeçarit dhe materialet procedurale i kaluan Prokurorisë së Korçës, për veprime të mëtejshme.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    2 Dhjetor, 20:45

    Jeni dakord që prokurorët e SPAK të kenë mundësinë për një mandat tjetër?

Lajme të tjera



×

Lajmi i fundit

Rezart Kthupi: Përballë PS dhe PD duhet një pol i tretë! Të luftojmë bipartizanizmin

Rezart Kthupi: Përballë PS dhe PD duhet një pol i tretë! Të luftojmë bipartizanizmin

4 Dhjetor, 22:50