POP 5

Lajmet më të lexuara të 5 minutave të fundit

Kronikë

Pogradec, mbahet konkursi kombëtar i letërsisë satirike! Agron Goga merr çmimin e parë në prozë, Jani Duri në poezi

Një konkurs i zhvilluar në Pogradec, ka rikthyer në një dimension më të gjerë letërsinë satirike në vendin tonë. Në prozë, çmimi i parë u fitua nga shkrimtari Agron Goga ndërsa çmimi për poezinë më të mirë iu dha Jani Durit

Me një mbrëmje gala të ndarjes së çmimeve dhe plot emocione është përmbyllur konkursi mbarëkombëtar i Letërsisë satitiriko-humoristike mbajtur për herë të parë në Tushemisht të Pogradecit.

Çmimi i parë në prozë shkoi këtë herë për Agron Gogën ndërsa në poezi më i miri u kurorëzua Jani Duri. Organizatorja Flora Nikolla thotë se ky konkurs shërbeu edhe për të krijuar një hartë të më të mirëve në këtë zhanër.

'Ka qenë një punë shumë e madhe, që u konkluadua sot. Ka filluar që në muajin shkurt, kur ne e shpallëm këtë konkurs i cili krijoi hartën gjeografike të shkruesve të humorit të letërsisë shqipe kudo në botë. Jam shumë e lumtur që edhe juria pas një pune të madhe që bëri diti të godasë në personalitete shumë të spikatur të letërisë satiriko-humoristike.'- tha Flora Nikolla.

Drejtori i Qendrës Kulturore “Lasgush Poradeci”, Eritan Kamolli u shpreh se eventi është kurorëzim i një pune disamujore që u arrit të realizohet edhe pse në një situatë të vështirë pandemie.

'Sot ishte një mbrëmje tepër e veçantë, pasi u kurorëzua me këtë mbrëmje gala një punë shumëmujore që ne kemi bërë së bashku me kolegen Flora Nikolla. Mbrëmja e sotme tregoi që ne kemi nevojë për evente të tilla,  për aktivitete të tilla që mbledhin artistët që u japin shtysë çdo lloj gjinie e çdo lloj arti'- tha Eritan Kamolli drejtor i qendres kulturore 'Lasgush Poradeci'.

E ndarë në dy net, mbrëmja gala u kurorëzua të dielën duke sjellë një dimension ndryshe të shkrimit te letërsisë së mirëfillte humoristike e satirike në vendin tonë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu