Pogradec/ Mozaiku 700-vjeçar i Linit hapet zyrtarisht për vizitorët

Mozaiku i mrekullueshëm i Linit do të jetë i hapur për vizitorët. Ky objekt që i përket gjysmës së dytë të shekullit të 13-të është Monument Kulturor i Mbrojtur nga Shteti, i ndodhur në Lin të Pogradecit, në rrethin e Korçës. Mozaiku u zbulua nga gërmimet në Lin në vitin 1969, të cilat nxorrën në dritë një vendbanim ilir, që i përket epokës së hekurit dhe në të janë gjendur objekte që vijnë deri në mesjetën e hershme.

Njoftimin për çeljen e këtij mozaiku për vizitorët dhe turistët e huaj e ka dhënë vetë ministrja e Kulturës, Mirela Kumbaro, që e ka konsideruar një destinacion që nuk duhet humbur. Sipas saj, muaji gusht është edhe muaji i mozaikëve.

Ky mozaik gjendet në ambientin e Baptisterit, i cili shërben për pagëzimin e kandidatëve të bashkësisë kishtare, ndërsa vet Ministrja shkruan në Facebook, “Moos e humb. Sapo kemi zbuluar mozaikun e mrekullueshëm të Bazilikës së Linit në Pogradec. Është super”.

LEXO EDHE:
IKMT aksion në Tushemisht për prishjen e objekteve pa leje! Kryeinspektori: Pastrojmë bregun e liqenit

Në qendër të këtij mozaiku ndodhet vaska e pagëzimit në formën e një luleje katërfletëshe dikur e veshur me pllaka mermeri. Në këtë ambient dominon motivi i pjergullës.

Për të gjithë vizitorët, ambienti i cili do të jetë i vizitueshëm është pastofori, ambient polifunksional, i cili shërbente për ruajtjen e teksteve ungjillore dhe sendeve të shenjta të përdorimit liturgjik.

Gjatë zbulimit të mozaikëve së bashku me specialistët e IMK-së, Gon Islami, dhe arkeologen Froseda Angjellari, ishte i pranishëm dhe profesori i Historisë së Artit dhe Muzeve në Universitetin e San Franciskos, Nathan Dennis.

TAG:
• pogradec
• mozaiku i linit

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.1%

• Të gabuar

  84.1%

• Nuk e di

  4.8%

Vota total: 4995

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di