Pogradec/ Kultivim bimësh narkotike dhe municion luftarak me vete, policia arreston 31 vjeçarin (EMRI)

POGRADEC - Goditet një rast i kultivimit të bimëve narkotike në Pogradec.

Policia ka arrestuar një 31 vjeçar pasi në fshatin Tallë në vendin e quajtur ‘Uji i Ftohtë’, dyshohet se kishte kultivuar 610 bimë narkotike, të cilat u asgjësuan me anë të djegies.

'Në zbatim të masave të përcaktuara në planin operacional kombëtar “Territor i pastër”, për parandalimin, evidentimin dhe goditjen e veprimtarisë kriminale të kultivimit të bimëve narkotike, shërbimet e Komisariatit të Policisë Pogradec kanë intensifikuar kontrollet në terren, duke u bazuar në inteligjencën policore. Si rezultat i kontrolleve, në vendin e quajtur “Uji i Ftohtë”, në fshatin Tallë, u gjetën të kultivuara 610 bimë narkotike cannabis sativa, të cilat u asgjësuan me anë të djegjes.'

LEXO EDHE:
Plagosi me kaçavidë vëllanë pas sherrit për pronësi në Pogradec, kapet pas një viti kërkime 45-vjeçari

Më tej gjatë kontrollit në territor policia gjeti 1 armë gjahu dhe municion ushtarak të cilat u sekuestruan.

Policia arrestoi Danjel Skënderi, 31 vjeç banues në Divjakë në fshatin Çermë-Sektor.

'Gjatë kontrollit të territorit, u gjetën dhe 1 armë gjahu dhe municion luftarak, të cilat u sekuestruan në cilësinë e provës materiale, bashkë më 2 celularë. 
Në vijim të veprimeve për këtë rast u arrestua në flagrancë shtetasi D. S., 31 vjeç, banues në fshatin Çermë-Sektor, Divjakë.'

Ai është në hetim për kultivim të lëndëve narkotike dhe prodhim dhe armëmbajtje pa leje.

G.K/E.H/Shqiptarja.com

TAG:
• pogradec
• divjakë
• bime narkotike