Një aksident automobilistik në Rrubik në të cilin janë përfshirë 3 automjete ka bërë që një punonjës i policisë të plagoset rëndë.

Ngjarja ka ndodhur teksa polici bashkiak Ton Lleshi në gjendje të dehur ka qenë duke drejtuar automjetin e tij me të cilin ka përplasur 2 makina të tjera në njërën prej të cilave ka qenë efektivi i rendit Dritan Mjeshtri që pas përplasjes ka mbetur i plagosur rëndë dhe është dërguar në spital për mjekim të specializuar.

Në vendin e ngjarjes ndodhet policia e cila ka nisur hetimet, ndërkohë që ka shpallur në kërkim policin bashkiak.

Redaksia Online
(F.T/shqiptarja.com)