POP 5

Lajmet më të lexuara të 5 minutave të fundit

Kronikë

Policia 'kap mat' kultivuesit e drogës
me snajper, largohen mes parcelave

Blutë e Krujës dogjën rreth 1500 rrënjë kanabisi të kultivuar në 12 parcela në fshatrat Larushk dhe Zallë. Gjatë këtij aksioni policia ka pikasur disa persona të paidentifikuar të cilët janë larguar me shpejtësi duke hedhur në ferra dy armë zjarri
KRUJË - Me mijëra rrënjë bime narkotike vijojnë të zbulohen dhe asgjesohen nga Policia në zona të ndryshme në të gjithë vendin. Blutë e Krujës dogjën rreth 1500 rrënjë kanabisi të kultivuar në 12 parcela në fshatrat Larushk dhe Zallë.
 
Gjatë këtij aksioni policia ka pikasur disa persona të paidentifikuar të cilët janë larguar me shpejtësi duke hedhur në ferra dy armë zjarri, të cilat u sekuestruan në cilësinë e provave materiale
 
• një Pushkë model 56 kalibër 7.62 mm pa fishekë dhe
• një Snajper model 56 kalibër 7.62 mm me një krëhër me dy fishekë.
 
Vështirësia me të cilën po përballet policia në këto aksione është identifikimi dhe kapja e kultivuesve të drogës, pasi lënda narkotike kultivohet përgjithësisht në toka në zona të thella malore të cilat janë pa pronarë.
 
kruje kanabis arme
kruje kanabis arme

Policia e Krujës thotë përmes një njoftimi zyrtar se po vazhdon puna për dokumentimin e plotë të ngjarjes, identifikimin dhe kapjen e autorëve të implikuar për veprat penale “Kultivimi i bimëve narkotike” dhe “Prodhimi dhe mbajtja pa leje e armëve luftarake dhe e municionit”.

Ndërkohë, në një operacion tjetër në fshatin Shiezë në vendin e quajtur ”Kroi Gjarpërit” u zbuluan 2  parcela me rreth 1333 rrënjë bimë narkotike me lartësi 120-180 cm. Vijon puna e policisë për identifikimin dhe kapjen e autorëve. 

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50