TIRANË- Forcat policore kanë zhvilluar një operacion gjatë natës në kryeqytet ku janë verifikuar dhe kontrolluar 129 persona, 77 mjete dhe kanë arrestuar 3 persona.
Një prej të arrestuarve, i identifikuar si Aleksandër Demiri, 43 vjeç, banues në Vilebashtovë, për të cilin ka një urdhër arresti nga Italia. Ndaj 43-vjeçarit, Gjykata e Milanos ka lëshuar një urdhër arresti Ndërkombëtar për veprat penale “Shkelje e ligjit mbi drogërat”, shkelje kjo që mund të dënohet maksimumi me 20 vite burg.
Po gjatë kontrolleve, në prangat e policisë kanë rënë edhe: Besim Zika, 48 vjeç, banues në Tiranë,i dënuar me 9 vite burg, për “Kultivim i lëndëve narkotike”, “Grup i strukturuar kriminal” dhe “Kryerja e veprave penale dhe e organizatave kriminale” dhe Klandio Metra, 23 vjeç, banues në Tiranë, të cilit iu gjet dhe bllokua një shufër metalike.
Njoftimi i policisë:
Tiranë - Kontrolle për kapjen e personave në kërkim, të atyre që qarkullojnë me armë zjarri apo që tentojnë të shpërndajnë lëndë narkotike.
Kontrollet nga Forca e Operacioneve Speciale dhe Kërkimit, Forca e Posaçme “Shqiponja” dhe Patrullat e Përgjithshme të Komisariateve pranë D.V.P. Tiranë të kryera gjatës natës dhe ditës së sotme.
Gjatë kontrolleve arrestohet përkohësisht me qëllim ekstradimi drejt Italisë një shtetas i shpallur në kërkim ndërkombëtar, kapet një shtetas në kërkim kombëtar i dënuar me 9 vite burg nga Gjykata e Apelit për Krimet e Rënda Tiranë, si dhe arrestohet një 23 vjeçar për “Mbajtje pa leje të armëve të ftohta”.
Janë verifikuar dhe kontrolluar 129 persona dhe 77 mjete.
Forca e Operacioneve Speciale dhe Kërkimit dhe Patrullat e Përgjithshme të Komisariateve pranë D.V.P. Tiranë në kuadër të planit të masave të hartuar për "Kontrollin e territorit, parandalimin e ngjarjeve kriminale dhe kapjen e autorëve të ndryshëm të veprave penale", gjatë kontrolleve të ushtruara në akset rrugore të Kryeqytetit në bashkëpunim me Interpol Tirana arrestuan përkohësisht me qëllim ekstradimi drejt Italisë shtetasin e shpallur në kërkim ndërkombëtar :
- Aleksandër Demiri, 43 vjeç, banues në Vilebashtovë, Kavajë, pasi Gjykata e Milanos ka lëshuar ndaj këtij shtetasi Urdhër Arresti Ndërkombëtar për veprat penale “Shkelje e ligjit mbi drogërat”, parashikuar nga nenet 110 dhe 81 të Kodit Penal Italian, ku maksimumi i dënimit është 20 vite burg.
Po gjatë kontrolleve të ushtruara u kap shtetasi në kërkim :
- Besim Zika, 48 vjeç, banues në Tiranë, pasi Gjykata e Apelit për Krimet e Rënda Tiranë e ka dënuar me 9 vite burg, për veprat penale “Kultivim i lëndëve narkotike”, “Grup i strukturuar kriminal” dhe “Kryerja e veprave penale dhe e organizatave kriminale”, të parashikuara nga nenet 284/1, 28/4 , 333/a/1 dhe 334 të Kodit Penal.
Si dhe u arrestua për “Mbajtje pa leje të armëve të ftohta”, shtetasi :
- Klandio Metra, 23 vjeç, banues në Tiranë, pasi gjatë kontrollit të ushtruar në rrugën “Irfan Tomini”, iu gjet dhe bllokua një shufër metalike.
Kontrollet do vijojnë në gjithë Qarkun e Tiranë për parandalimin dhe goditjen e paligjshmërisë, me qëllim rritjen e parametrave të sigurisë.
Materialet proceduriale i kaluan për veprime të mëtejshme Prokurorisë pranë Gjykatës së Shkallës së Parë Tiranë.
Lajme të tjera
-
Kukës/ Babai denoncon në Polici humbjen e djalit 17-vjeçar, nisin kërkimet dhe kontrollet për gjetjen
27 Nëntor, 15:39 -
Elbasan/ Tre aksidente me pasojë 6 të plagosur, në pranga shoferi 71-vjeçar, 2 nën procedim! Një nga të dëmtuarit fëmijë
27 Nëntor, 15:23 -
Tepelenë/ Përleshje pranë një prej gjimnazeve të qytetit, 2 të rinj konfliktohen me 4 nxënës! Policia procedon të rriturit, shkak motivet e dobëta
27 Nëntor, 14:39 -
Tropojë/ IMT i kapi duke ndërtuar pa leje në zonën turistike të Valbonës, Policia procedon 4 banorët
27 Nëntor, 13:40 -
Kukës/ U vetëplagos me armë në lokal, Policia arreston 19-vjeçarin e dëmtuar, pronarin dhe 3 të tjerë! Një i pestë në kërkim
27 Nëntor, 13:26 -
Vlorë/ U kap me makinë “Range Rover” të vjedhur në Itali, Policia procedon për trafik mjetesh 34-vjeçarin
27 Nëntor, 13:16 -
Korçë/ Arrestohet mësuesi i shkollës 9 vjeçare, akuzohet se i dërgonte mesazhe erotike në Whatapp dy nxënësve të tij 14 vjeçare! Denoncimi u bë nga të miturat
13 Nëntor, 12:10 -
Shisnin drogë në qytetin e Vlorës dhe të Fierit, 11 të arrestuar, 2 të tjerë në kërkim, një i mitur nën hetim! Si funksiononte organizata (EMRAT+VIDEO)
12 Nëntor, 13:39 -
Gjirokastër/ Zhvati 42 mijë euro nëpërmjet mashtrimit, 'Porosia' prangos 27-vjeçarin! Katër muaj hetime, i gjendet dhe armë
9 Nëntor, 12:45 -
Blushi akuza për arrestimin e Ilir Metës: Policia po ruan emrat e efektivëve që morën pjesë në Operacion, iu mohua edhe avokati
7 Nëntor, 15:06 -
Gjirokastër/ I lidhën në mënyrë të paligjshme sahatin e energjisë një biznesi, procedohen penalisht 2 punonjësit e OSHEE-së!
7 Nëntor, 14:12 -
Pogradec/ I dehuri shkatërron parukerinë me sende të forta, Policia e shoqëron! Të panjohura motivet (VIDEO)
4 Nëntor, 21:28
