Policët e burgjeve janë të ‘surprizuar’ nga rritja e pagave, por për keq, pasi kanë pritur më shumë para në llogarinë e tyre. Në nisje të muajit gusht kur kanë tërhequr rrogën për muajin korrik, policët e IEPV-ve kanë marrë më pak para se llogaritë që kishin bërë, për shkak se rritja e pagave është bërë mbi rrogën bazë të policit dhe jo mbi totalin e rrogës që ai merr së bashku me gradat dhe vështirësinë në punë.
Shembull/ Pra nëse polici e ka rrogën 70 mijë lekë, por baza është 50 mijë lekë sepse pjesa tjetër janë grada e vështirësi pune, rritja nuk i bëhet mbi 70 mijë lekëshin por mbi 50 mijë lekëshin. Për këtë arsye edhe rritja e rrogës praktikisht është më e ulët, sesa llogaria që ata kanë bërë me përqindjet e deklaruara.
Më konkretisht paga bazë për inspektor nga 64 mijë lekë që ishte është rritur në 70 mijë lekë, ndërsa për kryeinspektor paga bazë është 85 mijë lekë nga 68 mijë e 500 lekë që ishte para 1 korrikut. Ndërsa aspirantë prej një korrikut do të marrin 80% të pagës së inspektorit.
Sipas kreut të Sindikatës së Shërbimeve Policore Valentin Macaj, rritja e pagave nuk ka qenë aq sa është kërkuar dhe premtuar. Madje sipas tij pakënaqësitë e policëve të burgjeve lidhen edhe me trajtimin ushqimor të premtuar prej kohësh por ende s’ka asnjë rezultat. Sipas Sindikatës duhet një plan emergjent për stafin e burgjeve ku të përfshihen kredi të buta, rritje cilësore e pagave, trajtimi ushqimor, garantimi i transportit dhe uniformes dinjitoze.
Një tjetër paqartësi e ngritur nga policia e IEPV-ve ka të bëjë edhe me vlerën e rrogës, sepse ata kanë pritur që paga e tyre të jetë 900 euro neto, por në fakt paga bruto është në këtë shifër, por që ulet pasi paguhen sigurimet e taksat mbi pagën,
Po ashtu nga drejtoria e burgjeve sqarojnë se rritja e pagave për policet e burgjeve nuk bëhet për të gjithë njësoj, pasi ndryshon paga për aspirantin e brendshëm nga ai i jashtëm, apo për inspektorin e sigurisë së lartë nga inspektori i sigurisë së brendshme apo të jashtme. Po ashtu drejtoria e Burgjeve sqaron se rritja e pagave është bërë sipas asaj që ishte paralajmëruar, dhe ka vënë për Report Tv në dispozicion tabelën me rritjet respektive.
Vetë ministri i drejtësisë Ulsi Manja pati deklaruar se 3430 punonjës të sistemit të Policisë së Burgjeve do të përfitojnë nga kjo rritje e pagave në masën 13% – 27% sipas gradave, e përkthyer në lekë nga 6 mijë lekë deri në 8500 lekë rritje për gradat inspektor e nën inspektor. Kurse për gradën drejtues i lartë rritja e pagës shkon deri në 36 300 lekë në muaj.
Tabelat me pagat bazë të policëve të IEPV
Komente
Lajme të tjera
-
Pagat e reja për Forcat e Armatosura! Nga forcat speciale deri te mjekët e infermierët e ushtrisë, ja shtesat dhe 8 kategoritë që përfitojnë
13 Tetor, 12:04 -
Punonjësit e Policisë së Burgjeve me armë edhe jashtë orarit të shërbimit! Leje për ta mbajtur dhe në shtëpi
11 Tetor, 07:30 -
Drafti/ Paga minimale do rritet përsëri, ndryshon edhe tatimi mbi rrogat
23 Shtator, 08:42 -
Eurostat: Edhe pas rritjeve, paga minimale në Shqipëri mbetet më e ulëta në Europë, sipas fuqisë blerëse
5 Shtator, 14:40 -
42 mln euro për indeksimin e pagave të administratës, eksperti: Rrogat nuk rriten kur je keq, rishikim çdo vit! Inflacioni ka goditur konsumin
2 Shtator, 21:15
-
Nga largimi i të rinjve, rrezikojmë të mbetemi edhe pa fuqi punëtore. Për bizneset, zgjidhje mbetet rritja e pagës mesatare në 1 mijë euro
10 Gusht, 09:06 -
Pagat e mësuesve në institucionet arsimore, sa rriten për secilën kategori
4 Korrik, 08:00 -
Hyn në fuqi rritja e pagave për administratën, përfitojnë 135 mijë punonjës (LISTA)
1 Korrik, 08:36 -
Rriten dhe pagat për shoferët, kuzhinierët e magazinierët e institucioneve, punonjësit e Teatrit Kombëtar e TKOB
27 Qershor, 21:51 -
Rritja e pagave/ 950 euro mesatarja për mësuesit! Flasin arsimtarët: Më në fund po vlerësohemi siç duhet
27 Qershor, 08:17 -
Sa do jenë rrogat e reja për punonjësit e administratës dhe a do ketë tjetër rritje pagash?
26 Qershor, 16:34
-
Miratohet rritja e pagave në administratë, hyn në fuqi në 1 korrik! Përfitojnë 135 mijë punonjës
26 Qershor, 13:09
Paga eshte me futje qe kur rrite nje her ne 4 apo 8 vite e para ,pse keshtu ? Sepse duhet te rritet per vite ne baze te normes se inflacionit psh 3% inflacioni i produkteve te shportes se konsumit 3% rritja e pages ne fund te vitit per te ruajtur vleren reale te pages. Zoti rama e mban te stopuar kete fenomen dhe e ben levizjen dhe deklaroet mbi pagen bruto jo neto qe kan dallim te madh ,kjo ne vite elektoral Qellimi dihet pse? Dalim te policat e burgjeve policin ushtrin etj per shqetsimin mbi pagen ,duke sipat tatimit mbi te ardhurat personale keto insitucione pasi pages brute i zbriten siguracionet shendetsore dhe shoqerore i nen shtrohen edhe tatimit me 23% mbi vleren 350 mij dmth 900 -350= 550 x 23% = 126.5 tatimi pra 900 -126 =773.5 rroga dajo po te fusesh dhe normen e inflacionit brenda dhe zhlersimin e euros te 900 eurot page del edhe me keq ? Po e mbyll me kaq shpresoj te kem qen i dobishem sado pak klm
Përgjigju