Paulin Gega, administrator i "Gega Oil" është shprehur se nuk është larguar jashtë vendit me qëllim arratisjen, por se është me pushime.
"Jemi nisur për pushime verore në Greqi, më datë 09.08,2019, pushime të cilat janë rezervuar rreth dy muaj më parë të një agjenci turistike në rrugën Fortuzi, Tiranë, ku dhe mund ta verifikoni fare lehtësisht.
Sot ndërkohë jemi njoftuar në mënyrë indirekte pas lajmeve që kishin shpërthyer nëpër portale e gazeta të ndryshme, ku pretendohej se administratori i kompanisë Genklaudis sha, ishte larguar qëllimisht për t’iu shmangur përballjeve ligjore.
Ne mund t’ju konfirmojmë që në njërën nga magazinat tona fiskale të shitjes me shumicë, që ndodhet në Vrinë, Durrës, është ushtuar një kontroll para dy ditësh, ku ka pasur një ndërprerje të aktivitetit vetëm për disa orë, me pretendimin se kasat e shitjes ishin të vendosura në regjim manual, pavarësisht se ne posedojmë certifikatën e kalibrimit të regjimit automatik, e lëshuar sipas ligjeve në fuqi nga firma certifikuese e fiskalizimeve A.E Distribution shpk në vitin 2012!
Mbas verifikimeve nga organet kompetente, u bë zhbllokimi i këtij stacioni shitjeje dhe aktiviteti ka vazhduar normalisht.
Pra, kompania jonë nuk ka kryer asnjë shkelje apo kundravajtje penale as në aspektin evaziv apo të të ashtuquajturës ‘Fshehje e të ardhurave apo të pasurisë’.
Gjithashtu ju komunikojmë me përgjegjësi të plotë morale dhe korporative që aktiviteti i firmës tonë vazhdon pa ndërprerje në të gjithë Shqipërinë.
Kompania Genklaudis sha është një ndër 10 tatimpaguesit më të mëdhenj në Shqipëri, me mbi 83 stacione shitjetje në të gjithë vendin dhe me mbi 500 punonjës, e gatshme për të vënë në dispozicion çdo dokumentacion kundrejt çdo institucionin shtetëror dhe ligjor dhe të përgjigjet deri në shkallën më të lartë të drejtësisë", shkruan Gega.
Lajmi kryesor:
Evazion fiskal dhe pastrim parash/ Policia e shpalli në kërkim, reagon 'bosi' i 'Gega Oil': Jam me pushime, s'kam kryer shkelje
Lajme të tjera
-
Evazion fiskal në bregdet me fatura 'fake'
14 Qershor 2020, 13:31
-
Çela: Rritet kultivimi i kanabisit në 4 qarqe, asnjë dokument nga policia për shkaqet, informaliteti pengesë për të hetuar pastrimin e parave
11 Maj 2020, 17:02
-
Regjistruan 4 subjekte në një vit dhe bënë shitje fiktive, 5 në pranga në Tiranë! Dëm shtetit 20.5 milionë lekë
4 Mars 2020, 09:40 -
Blic te 'Dollari', ndalohen 7 kambistë në të zezë, sekuestrohen rreth 50 mijë euro...Si kamuflohen tregtarët si lojtarë dominoje?! (VIDEO)
2 Mars 2020, 10:29
