POP 5

Lajmet më të lexuara të 5 minutave të fundit

Bota

Policia franceze zgjeron operacionet hetimore për vrasjen e mësuesit, 80 hetime në lidhje me gjuhën e urrejtjes në internet

Vrasja e mësuesit francez nxit marrjen e masave të reja, ministri i brendshëm francez deklaron se janë hapur të paktën 80 hetime në lidhje me rastet e shpërndarjes së gjuhës së urrejtjes në Internet.

Autoritetet franceze thanë se kanë nisur operacione të reja, në lidhje me vrasjen e mësuesit të historisë, Samuel Paty,  të cilit iu pre koka më 16 tetor, jashtë shkollës ku ai jepte mësim në periferi të Parisit, nga një 18-vjeçar, i cili më pas u qëllua për vdekje nga policia.

Vrasja shkaktoi zemërim të madh në Francë dhe u dënua fuqishëm nga presidenti Emmanuel Macron dhe klasa politike. Ministri i Brendshëm, Gerald Darmanin,  deklaroi të hënën se rreth 80 hetime janë në zhvillim e sipër në lidhje me gjuhën e urrejtjes në internet.

Ministri tha se autoritetet po ashtu janë duke shqyrtuar nëse grupe të caktuara nga komuniteti mysliman në Francë duhet të shpërbëhen, pas akuzave se ato promovojnë dhunë dhe urrejtje. Darmanin tha se babai i një nxënëseje nga shkolla e Patyt dhe një militant i njohur islamik kanë nxitur vrasjen e mësuesit.

Ndërkohë që ditën e djeshme në të gjithë Francën,  u mbajtën tubime me thirrjet pro lirisë së shprehjes dhe laicizmit, ndërkohë që qeveria diskutonte të dielën forcimin e masave kundër ekstremizmit islamik. Ata që e morën fjalën në tubimet e së dielës paralajmëruan se nuk duhet t’i përgjigjen urrejtjes me urrejtje Disa mbanin flamuj francezë, ndërkohë që ata që e morën fjalën kujtuan viktimën e fundit të terrorizmit në Francë.  Duke iu referuar sloganit “Unë jam Charlie” që u dëgjua fillimisht pas sulmeve të janarit 2015 tek revista Charlie Hebdo, zoti Castex tha “Jam më tepër se kurrë Charlie”.

Në fillim të këtij muaji, Paty u tregoi nxënësve të tij karikaturat e Profetit Muhamed, në një orë për lirinë e shprehjes, duke zemëruar një numër të prindërve myslimanë, të cilat i konsiderojnë ato si blasfemi.

Rendit zhvillimet sipas orarit:
Ora 13:46
Vrasja e mësuesit francez: Policia kontrollon shtëpitë e radikalëve islamikë të dyshuar për përfshirje në krim

Policia franceze ka bastisur shtëpitë e dhjetëra radikalëve të dyshuar islamikë pas prerjes së kokës së një mësuesi që u tregoi karikatura të Profetit Muhamed nxënësve të tij. Disa nga ata që po merren në pyetje besohet se kanë postuar mesazhe mbështetjeje për vrasësin e Samuel Paty ndërkohë që të hënën, ministri i Brendshëm Gerard Darmanin tha se disa nga shoqatat myslimane do të mbyllen. Ai tha se operacionet dërguan një mesazh se nuk kishte "pushim për armiqtë e republikës" dhe se ato pritej të vazhdonin gjithë javën.

Disa besohet se kanë postuar mesazhe në mbështetje të vrasësit të Paty ndërsa të tjerët janë nga shoqata - të tilla si Kolektivi Kundër Islamofobisë - që qeveria beson se përhapin mesazh të kundërshtimit ndaj shtetit francez.

Në uebfaqen e tyre, kolektivi e përshkruan veten si një "organizatë për të drejtat e njeriut, misioni i së cilës është të luftojë Islamofobinë.”

Disa myslimanë francezë thonë se ata janë shënjestra të shpeshta të racizmit dhe diskriminimit për shkak të besimit të tyre - një çështje që ka shkaktuar prej kohësh tensione në vend.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

24 Nëntor, 14:52