Policia i rrethon banesën, pranga 29-vjeçarit në Vlorë, i gjendet edhe drogë

Një 29-vjeçar është arrestuar nga policia e Vlorës, pas informacioneve se ai zotëronte lëndë narkotike kanabis sativa.

Burime për Report Tv nga policia e Vlorës bëjnë të ditur se policia i ka rrethuar banesën shtetasit Avdi gjonaj dhe në këtë moment ai ka tentuar të largohet, por më pas është arrestuar.  Policia thotë se nga kontrolli në banesë, policia i gjeti edhe një sasi prej 7 kg kanabis.

"Në kuadër operacionit 'Befasia'  bazuar në informacione të marra në rrugë operative se në banesën e shtetasit A. Gj. dyshohej që kishte lëndë narkotike, menjëherë është organizuar puna e strukturave përkatëse për kontrollin e banesës së tij në lagjen "Partizani", Vlorë. Shtetasi A. Gj., sapo ka kuptuar se po afroheshin shërbimet policore, ka tentuar të largohet me vrap, por falë veprimeve të shpejta policore është bërë e mundur ndjekja dhe kapja e tij në flagrancë, në një nga rrugicat afër banesës së tij. Gjatë kontrollit të ushtruar në banesë, shërbimet e Policisë kanë gjetur dhe sekuestruar rreth 7 kg lëndë narkotike e dyshuar kanabis sativa", thuhet në njoftimin e policisë.

Materialet do t’i referohen Prokurorisë Vlorë, në ngarkim të shtetasit A. Gj., për veprën penale "Prodhimi dhe shitja e narkotikëve".

TAG:
• arrestim
• Vlore
• droge
• avdi gjonaj