POP 5

Lajmet më të lexuara të 5 minutave të fundit

Kronikë

Policia merr masa për të garantuar
siguri në natën e ndërrimit të viteve

Kur edhe 4 ditë na ndajnë nga nata e ndërrimit të viteve, Drejtoria e Policisë ka rritur masat e sigurisë për të garantuar rendin publik dhe qetësinë për të gjithë qytëtarët.
TIRANE- Kur edhe 4 ditë na ndajnë nga nata e ndërrimit të viteve, Drejtoria e Policisë ka rritur masat e sigurisë për të garantuar rendin publik dhe qetësinë për të gjithë qytëtarët. Sipas Drejtorisë së Policisë së Qarkut Tiranë janë planifikuar dhe marrë një sërë masash për parandalimin e ngjarjeve kriminale apo ngjarjeve të tjera që cënojnë rendin e qetësisë publike, gjatë festave të ndërrimit të viteve.
 
Masat e marra synojnë:
- Parandalimin, zbulimin dhe goditjen në kohë të çdo lloj tendence kriminale.
- Rritjen e sigurisë në rrugë dhe parandalimin e ngjarjeve aksidentale.
- Sigurimin e rendit dhe qetësisë në të gjithë territorin e Qarkut të Tiranës e në veçanti në Qëndrat Tregëtare, Bulevardet, Sheshet kryesore si dhe në lokalet ku qytetarët do të festojnë ndërimin e viteve.
- Sigurimin e Ambasadave, Rezidencave të tyre, Objekte të Rëndësishme, duke përfshirë edhe në nënstacionet elektrike e depot e ujit.
- Bashkëpunimin me shërbimet e emergjenës si: ambulancat, zjarrfikëset, etj.
 
Kontrolle dhe masa do të zbatohen edhe ndaj drejtuesve të mjeteve të cilët nuk zbatojnë rregullat e qarkullimit rrugor, drejtojnë mjetin nën efektin e pijeve alkolike, apo ecin me shpejtësi tej normave të lejuara.
 
Sipas policisë këto kontrolle do të ushtrohen kryesisht në orët e vona të natës dhe gjatë netëve që shoqërojnë festat e fundvitit në gjithë kryeqytetin, ndërsa u bëjnë thirrje qytetarëve të bëjnë kujdes gjatë përdorimit të fishekzjarreve.
 
“Njëherësh, theksojmë, gadishmërinë maksimale të shërbimeve policore, për të kaluar gëzueshëm festat e fund vitit, duke kërkuar bashkëpunimin e mirëkuptimin e qytetarëve për të mos shkaktuar incidente të mundshme. Ndërkohë, ajo vë në dispozicon numrat telefonik për të denoncuar çdo veprim të paligjshëm apo ngjarje aksidentale në numrat telefonik pa pagesë Nr. 129 dhe Nr. 126. Duke gjetur mirëkuptimin Tuaj, Policia e Tiranës, Ju Uron Gëzuar Festat!”, thuhet në njoftimin e Drejtorisë së Policisë së Qarkut Tiranë.
 
Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

15 Janar, 20:26