Qarkullimi në segmentin rrugor Tiranë - Durrës është bërë i rrezikshëm gjatë orëve të fundit, për shkak se kushtet klimaterike së bashku me dëmtimin që ka pesuar asfalti, mund t'u paraqesin të papritura drejtuesve të automjeteve.

Autoriteti Rrugor Shqiptar tërheq vëmendjen e drejtuesve të mjeteve që udhëtojne gjatë orëve të natës së sotme nga Tirana në Durrës dhe Durrës-Tiranë, në segmentin Maminas-Sukth të reduktojne shpejtësine e lëvizjes. 

Reshjet intensive të shiut dhe dëmtimet që ka pësuar shtresa asfaltike e këtij segmenti shtojnë rrezikun ndaj duhet që drejtuesit e mjeteve të tregojne kujdes dhe të levizin me shpejtësi te kufizuar. 

Policia Rrugore ka shtuar prezencën në këtë aks për të tërhequr vëmendjen e drejtuesve të mjeteve. Ndërkaq, ARRSH po merr masat për ndërhyrjen sa më të shpejtë nga kompania e mirëmbajtjes.

 

d.gj/ Shqiptarja.com