Policia ushtarake, PD: Qeveria
nuk i konsulton ligjet e NATO-n
Komisioni i Sigurisë, ka miratuar në parim pa votat e opozites, ligjin për Policine Ushtarake. Kontestimi i PD lidhet me faktin se drafti nuk është në standartet e NATO-s.
TIRANE - Përfaqësuesit e Partisë Demokratike në Komisionin e Sigurisë kanë akuzuar dje drejtuesit e Ministrisë së Mbrojtjes se për ligjet e hartuara nuk kryen konsulta me drejtuesit NATO-s. Gjatë diskutimeve të ligjit për policinë ushtarake në këtë komision, deputetja demokrate Mesila Doda kërkoi nga drejtuesit e ministrisë të paraqesin tabelën në të cilën paraqiteshin të gjitha përafrimet që janë bërë për këtë ligj nga legjislacioni i BE-së dhe konsultat që janë kryer me partnerët e NATO-s.
“Nëse keni sjellë një ligj të tillë duhet ta keni afruar me një model të BE-së. Me kë model e keni sjellë këtë projektligj? Dhe nëse ka një model të tillë duhet të kishte një tabelë përputhshmërie në bazë të ligjit”, deklaroi Doda. Ish-ministri i Brendshëm Flamur Noka shkoi më tej kur u shpreh se me ndërhyrjet e bëra në ligj për shkak të mungesës së konsultave me partnerët e NATO-s, janë marë komptenca të Policisë së Shtetit duke ja kaluar policisë ushtarake duke e shndërruar atë në një Gestapo.
“Duhet të kishim të bashkëshoqëruar ose konsulencën e përfaqësuesve të NATO-s pranë Ministrisë së Mbrojtjes dhe Shtabit të Përgjithshëm, ose konsulencën e një ekipi të një vendi anëtar të NATO-s. Ky është një ligj që është hartuar thjesht se ju është mbushur mendja për të ndryshuar, për t’i dhënë ca kompetenca më tepër Policisë Ushtarake, për ta shndërruar në një Gestapo për ushtri se kështu e keni hartuar”, theksoi Noka.
Ndërkohë që nga ana e tij zv/ministri i Mbrojtjes u shpreh se për ligjin në fjalë janë kryer të gjitha konsultat me aleatët ndërkohë që si referencë kanë qenë legjislacionet e Spanjës, Norvegjisë dhe Kanadasë.
“Është e paparanueshme të përdoren terma të cilat u përmendën tek parafolësi. Mendoj se përsa i përket proçesit të konsultimit, sigurisht që ligji nuk i referohet një modeli të caktuar, por i referohet standardeve në përgjithësi që kanë struktura homologe në FA të vendeve aleate. Janë bërë konsultime me shumë vende aleate”, u shpreh zv/ministri Koçi. Deputeti demokrat Ardian Turku, kërkesën e opozitës për sjelljen e një dokumentacioni në të cilën evidentoheshin konsultat me aleatët e shtroi në formë kërkesë për mazhorancën.
Kryetari i Komsionit të Sigurisë, Spartak Braho duke vlerësuar si të drejtë propozimin e bërë, kërkoi që ligji për policinë ushtarake të kalonte në parim, ndërkohë që në mbledhjen e ardshme të zbardheshin edhe konsultat me partnerët. Megjithatë në fund, demokratët e votuan kundër këtë ligj, fakt që nuk i pengoi përfaqësuesit e mazhorancës që me shumicë votash ta kalojnë në parim projektligjin.
Redaksia Online
(Shqiptarja.com)
Sondazhi i ditës:
A justifikohen aktet e dhunes gjatë një proteste politike?
-
Po
28.6%
-
Jo
59.6%
-
Nuk e di
11.8%
Vota total: 255
Votat totale janë unike
Lajme të tjera
-
Opozita shkakton tensione në këshillin bashkiak Tiranë, hapet gara për stadiumin e ri ‘Selman Stërmasi’, Veliaj: Do e bëjmë si Arena Kombëtare
8 Tetor, 22:49
-
Rama parashikoi mandate sa në '97 për PD, Alimehmeti: E dëgjova me shqetësim, nuk e tha kot! Politika flet me simbolika
8 Tetor, 22:46
-
Izraeli: Pasardhësi i Nasrallahut në pushtet mund të jetë ‘eliminuar’
8 Tetor, 22:42
-
Largohet nga drejtimi i IdentiTek Loina Prifti, ja kush do e zëvendësojë! Ministri Hoxha firmos nesër për pasuesen
8 Tetor, 22:32
-
Ardit Rada: Skenari 'LSI 2008', karta e fundit! PD drejt ngujimit dhe grevës në Parlament?
8 Tetor, 22:30
-
Kosovë/ Prokuroria bastis Ministrinë e Mjedisit, 2 të dyshuar për korrupsion dhe fshehje pasurie! Sekuestrohen kompjutera dhe dosje
8 Tetor, 22:21
-
DOSJA K- Pjetër Delia / Një rebel në kampin e internimit të Savrës
8 Tetor, 22:17
-
Arben Meçe: Kupola drejtuese, fatkeqësia e PD-së! Miltantët janë distancuar prej tyre, duhet të japin dorëheqjen
8 Tetor, 22:09
-
'PD nuk është më opozita', Pano Soko: Nuk arrin të trembi mazhorancën! Ti nuk vjen me moralin se 'Ne vjedhim më pak'
8 Tetor, 21:57
-
U arratis nga burgu në Itali më 2017, kapet në aeroportin e Romës 41-vjeçari shqiptar me 7 emra! Po udhëtonte nga Spanja
8 Tetor, 21:50
-
Dështimi me mosbindjen civile/ Meçe: PD e reduktuar në sektin berishian! Çaça: Organizimi linte për të dëshiruar
8 Tetor, 21:49
-
Nesër reshje në Shkodër e Lezhë, tre ministra dakordësojnë masat parandaluese me kryebashkiakët: Inspektoni hidrovoret dhe pastroni kanalet
8 Tetor, 21:18