Politika shqiptare ka uruar kryeministrin e Malit të Zi, Dritan Abazoviç, pasi u zgjodh sot si kryeministër. Kryeministri Edi Rama ka përshëndetur zgjedhjen e Abazoviç në ndërsa shkruan se si tre shqiptarë kryeministra në rajon iu takon që të japim provën si ndërtues urash për paqe.
Presidenti Ilir Meta shkruan se është shpresëplotë se marrëdhëniet e shkëlqyera miqësore mes dy shteteve tona do të fuqizohen akoma më shumë në interes të popujve tanë.
Nga ana tjetër edhe ish-kryetari i Partisë Demokratike Lulzim Basha, ka uruar kryeministrin e Malit të Zi, për zgjedhjen në krye të qeverisë në Malin e Zi. Sipas Bashës, zgjedhja e Abazoviç si kryeministër është një moment historik për kombin shqiptar.
Në urimin e saj, Kryemadhi thotë se si dy vende mike fqinje dhe aspirantë drejt BE-së, e ardhmja e Shqipërisë dhe Malit të Zi është gjithmonë e lidhur, ndaj shpreson për më shumë bashkëpunim konkret, për më shumë prosperitet të prekshëm për qytetarët e vendeve tona.
Sukses historik. Kështu e ka cilësuar Enkelejd Alibeaj fitoren e Dritan Abazoviç, i cili u zgjodh si kryeministër i Malit të Zi. Me anë të një reagimi, Alibeaj i uron suksese duke i thënë se ka mbështetjen e plotë të PD në detyrën e tij dhe të qeverisë që do të drejtojë.
“Zgjedhja e Dritan Abazovic si Kryeministër i ri i Malit të Zi, është një sukses historik për shqiptarët në Mal të Zi dhe për krejt shqiptarët në Ballkan. Tashmë qeveria e Malit të Zi do të drejtohet nga një kryeministër shqiptar, me synimin për të dhënë një kontribut të drejtpërdrejtë në paqen e stabilitetin e rajonit, dhe akoma me më rëndësi, në orientimin e palëkundur euroatlantik të Ballkanit.
Në emër të Partisë Demokratike të Shqipërisë, i uroj suksese Dritanit për detyrën e re si kryeministër i Malit të Zi duke e siguruar në të njëjtën kohë për mbështetjen e plotë të Partisë Demokratike në detyrën e tij dhe të qeverisë që do të drejtojë drejt bashkëpunimit mes dy vendeve tona dhe ecurisë së mëtejshme të Malit të Zi drejt proceseve integruese europiane dhe euroatlantike”, shkruan Alibeaj.
Kryetarja e Kuvendit, znj. Lindita Nikolla, ka uruar Kryeministrin e ri të Malit të Zi, politikanin shqiptar, Dritan Abazoviç.
“Urime dhe suksese Kryeministrit Dritan Abazovic dhe Qeverisë së re të Malit të Zi! Jam e bindur se bashkëpunimi shumë i mirë midis dy vendeve tona do të vijojë dhe përfaqësimi i shqiptarëve në Republikën fqinjë do të rritet e zgjerohet.”, shkruan në urimin e saj Kryetarja e Kuvendit, znj. Lindita Nikolla.
Kryetarja e LSI-së Monika Kryemadhi ka uruar kryeministrin e Malit të Zi, Dritan Abazoviç, pas zgjedhjes së tij si kryeministër.
‘Urimet më të sinqerta për Dritan Abazovic, kryeministrin e sapo zgjedhur të Malit të Zi. Suksese të mëtejshme qeverisë së re të Malit të Zi, për një ritëm të ri në përparimin e sundimit të ligjit, zhvillimit të përgjithshëm ekonomik e social dhe rrugës integruese në Bashkimin Europian. Si vende mike fqinje dhe aspirante drejt BE, e ardhmja e Shqipërisë dhe Malit të Zi është gjithmonë e lidhur, ndaj shpresoj për më shumë bashkëpunim konkret, për më shumë prosperitet të prekshëm për qytetarët e vendeve tona.’- shkruan Kryemadhi.
Ish-kryetari i Partisë Demokratike Lulzim Basha ka uruar Dritan Abazoviçin për zgjedhjen në krye të qeverisë në Malin e Zi. Sipas Bashës, zgjedhja e Abazoviç si kryeministër është një moment historik për kombin shqiptar.
“Urimet më të përzemërta Dritan Abazovic për votëbesimin nga Parlamenti si Kryeministër i Malit te Zi. Ky është një hap i rëndësishëm për rrugëtimin evropian të Malit të Zi dhe moment historik historik për kombin shqiptar. Të priftë e mbara Dritan Abazovic", shkruan Basha.
Presidenti Ilir Meta ka uruar Dritan Abazoviç, që u zgjodh në krye të qeverisë së Malit të Zi.
“Urime të përzemërta dhe shumë suksese z.Dritan Abazoviç për zgjedhjen në detyrën e lartë të Kryeministrit të Malit të Zi.
Shpresëplotë se marrëdhëniet e shkëlqyera miqësore mes dy shteteve tona do të fuqizohen akoma më shumë në interes të popujve tanë.
Progresi i Malit të Zi dhe avancimi në proceset integruese janë shumë të rëndësishme për të gjithë shqiptarët që jetojnë atje, për të ardhmen e përbashkët europiane, si edhe për forcimin e paqes, sigurisë dhe stabilitetit në rajonin tonë”, shkruan Meta.
Kryeministri Edi Rama uron Dritan Abazoviç.
"I lumtur që Dritan Abazovic është nga sot kryeministri i Malit të Zi!Kush do ta kishte besuar dot deri dje se Ballkani me 6 shtete do të kishte 3 kryeministra shqiptarë. Na takon ne të japim provën si ndërtues të mirë urash për paqe mes të gjithëve e mirëqenie për të gjithë", tha Rama.
Komente
Lajme të tjera
-
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Ish-kryeministri malazez Abazoviç viziton Ramën në studion e tij: Edi, padyshim një nga njerëzit më origjinalë në skenën politike botërore!
19 Nëntor, 18:55 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42
Urojn keta lakejt tane.Keta qe si vijn as te maja e gishtit. Keta qe i kane marr diplomat fallco. Keta letyra qe i kane bere universitetet mbasi u bene deputete.
PërgjigjuA jeni burra me zgjedh edhe 1 kryeminister shqiptar ne serbi ????
Përgjigju