Mbi 3 milione e 324 mijë ton mallra janë përpunuar më portin e Durrësit, gjatë periudhës janar-nëntor të këtij viti. 60.83% e të cilave i përkasin mallrave të importit, ndërsa 39.17% eksporteve.  Sipas të dhënave statistikore, 2 milionë e 471 mijë ton mallra janë transportuar nga/drejt Durrësit me anije tregtare, ndërsa 682.606 ton të tjerë janë transportuar me tragete. Në terminalin përkatës, në 11 muaj, janë përpunuar afro 93 mijë TEU (njësi kontejnerike), duke shënuar një rritje të lehtë në krahasim me të njejtën periudhë të vitit të kaluar.