Në furgon nga Bari në Durrës me 18 ora të shtrenjta, bizhu e medaljonin 'Armand', Antiskifterat arrestojnë shoferin, pasagjerin dhe pronarin e makinës

DURRES- 18 ora dore të markave të shtrenjta, varëse, unaza dhe vathë floriri e jo vetëm u gjetën gjatë kontrollit të një furgoni nga policia kufitare e Durrësit. Furgoni ka mbërritur në portin e Durrësit me tragetin e Barit dhe dyshohet se sendet me vlerë të cilat do të futeshin në Shqipëri janë të vjedhura.

Policia ka arrestuar në flagrancë 2 shtetas, drejtuesin e automjetit ku u gjetën sendet me vlerë, Eduart Selimi, dhe pasagjerin e këtij automjeti, Mateos Rama. Në pranga ka rënë dhe pronari i këtij automjeti, Behar Rexha, me precedent të theksuar kriminalë, pasi dyshohet si bashkëpunëtor i tyre.

Me hyrjen  në portin e Durrësit furgoni tip Benz i bardhë kaloi në vijën e dytë për t’u kontrolluar me imtësi.

"Si rezultat i kontrolleve të imtësishme në këtë automjet dhe kontrollit fizik ndaj shtetasit Mateos Rama  shërbimet e Policisë gjetën 18 ora dore të markave të shtrenjta, bizhuteri të ndryshme floriri dhe argjendi, 1 bllokues valësh, 25 monedha të prerjes 2 euro dhe 6 celularë' informoi sot policia e Durrësit. 
Mes tyre është dhe një medaljon me emrin "Armand"

Në vijim të veprimeve procedurale për këtë rast, specialistët për Hetimin e Krimeve në Durrës arrestuan në flagrancë Eduart Selimin, 40 vjeç, banues në Tiranë dhe drejtues i automjetit ku u gjetën sendet me vlerë dhe Mateos Ramën, 31 vjeç, banues në Tiranë, pasagjer në këtë automjet.

Në pranga u vu në edhe Behar Rexha banues në Tiranë, pronari i automjetit ku u gjetën sendet me vlerë, "pasi nga veprimet hetimore dyshohet se ka bashkëpunuar me 2 shtetasit e tjerë, për të futur në Shqipëri, sendet më vlerë që dyshohet se janë siguruar nga veprimtari kriminale' saktëson policia.

Sendet me vlerë u sekuestruan bashkë me furgonin ku u gjetën dhe 3 pasaporta.

Ndërkohë vijon puna për përcaktimin e vendit të origjinës së sendeve të sekuestruara, në bashkëpunim me homologët e vendeve të BE-së dhe Njësinë Antiskifter. Materialet proceduriale i janë kaluar Prokurorisë.

Operacioni policor u kodua “Aksesorët”. 

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?



×

Lajmi i fundit

Kristjan Asllani shijon titullin me Interin: Ende s'e kam kuptuar që e siguruam trofeun

Kristjan Asllani shijon titullin me Interin: Ende s'e kam kuptuar që e siguruam trofeun