POP 5

Lajmet më të lexuara të 5 minutave të fundit

Sport

Poshtërimi nga M.City, Ancelotti: Reali s'do e bëjë dramë! Guardiola: Interi në finale? Janë italianë, duhet diçka speciale

Manchester City ka shkatërruar 4-0 Realin e Madridit në gjysmëfinalen e kthimit dhe ka siguruar finalen e Champions League ku do të ndeshet me Interin. Trajneri Guardiola ishte tejet i lumtur për këtë arritje, por shtoj se duhet shumë kujdes për të fituar trofeun ndaj një skuadre italiane.

Manchester City është finalistja e dytë e këtij sezoni në Champions League. Skuadra e Pep Guardiolës ka shpërtalluar në të gjithë drejtimet Real Madridin, duke fituar 4-0 gjysmëfinalen e dytë, pasi një javë më parë skuadrat ishin ndalur në një barazim 1-1 në ‘Bernabeu’.

Në Manchester dhe konkretisht në Etihad, Bernardo Silva bëri heroin në pjesën e parë duke realizuar dy herë, pasi portieri Courtouis po bënte heroin. Në vijim pritej një reagim i ‘galaktikëve’ dhe kampionëve në fuqi, por ‘citiziens’ vranë çdo shpresë me Akanjnin, ndërsa në fund realizoi edhe Julian Alvarez.

Pas ndeshjes trajneri i Realit Carlo Ancelotti tha se ‘nuk duhet bërë dramë eliminimi, pasi Manchester City e meritoi’, ndërsa këmbënguli që sezonin e ardhshëm do vijojë të jetë trajner i ‘galaktikëve’ pavarësisht se flitet se mund të shkojë te Brazili. Sakaq trajneri spanjoll i City-t Guardiola ishte shumë i lumtur që skuadra arriti finalen e dytë në histori të Champions League brenda 3 viteve, por shtoi se ‘kundër Interit do të duhet një përgatitje speciale, pasi italianët janë gjithmonë të vështirë’.

Finalja e Champions League mes Manchester City dhe Interit që eliminoi Milanin, do të luhet më 10 qershor në stadiumin Ataturk të Stambollit, që ka një kapacitet prej 72 mijë vendesh.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • e drejta: 22/05/2023 14:49

    INTERI NJE HERE E KA ELIMINUAR GUARDIOLEN NE KULMIN E BARCELONES...NUK ESHTE CYTI I SOTEM ME I MIRE SE BARCELONA E 2010..

    Përgjigju
  • Sondazhi i ditës:

    Ndryshe nga biznesi i vogël profesionet e lira do të tatohen, si ju duket?

Lajme të tjera



×

Lajmi i fundit

Zgjedhjet në Kukësit, policia merr në ruajtje 74 qendrat e votimit

Zgjedhjet në Kukësit, policia merr në ruajtje 74 qendrat e votimit

23 Shtator, 22:13