Posta kundër marrjes së pensioneve 
në Bankë: Hiqen punonjësit nga puna

TIRANE - Drejtori i Postës Shqiptare Majlin Lazimi ka kundërshtuar nismën e Ministrisë së Mirëqenies Sociale që pensioni të merret në bankë. Drejtori i postës në një letër dërguar ministrit Blendi Klosi dhe drejtoreshës së ISSH-së, Vjollca Braho kërkon që pensioni të vazhdojë të merret në postë. I kontaktuar nga “Shqiptarja.com”, Lazimi shprehet letra i është dërguar edhe Kryeministrit Edi Rama, ndërkohë që thekson se “është një shqetësim real i Postës Shqiptare, pas investimeve që janë kryer vitet e fundit”.

Sipas Majlind Lazimit është e pamundur që 145 mijë pensionistë që sot u shkon pensioni në shtëpi, të shkojnë në bankë për ta marrë atë. Gjithashtu ai thotë se kjo nismë e Ministrisë së Mirëqenies Sociale është në kundërshtim me ligjin.

Po çfarë thuhet në letër dërguar Blendi Klosit dhe Vjollca Brahos?
“Edhe në rast të një tregu të liberalizuar në të ardhmen, nuk gjykojme se është me vend imponimi i një alternative apo një tjetre, si opsioni i parë për pensionistin. Ndërkohë ju bejmnë me dije se mungesa e këtyre të ardhurave për "Posta Shqiptare" SH.A do të çonin në pamundësi financiare për të përmbushur në mënyrë të plotë dhe cilesore jo vetëm shërbimin ndaj qytetarit por do të shkaktonin një kosto të laartë sociale për shkak të pamundësisë të mbulimit të pagave për mbi gjysmën e punonjësve të Shoqërisë ose praktikisht rreth 1200 familjë shqiptarë ti shtohen listës të të papunëve”, - theksohet në letrën drejtuar Klosi dhe Ramës.

Në fund të letrës Majlind Lazimi sygjeron Ministrin Blendi Klosi të rishikojë qëndrimin në lidhje me këtë nisëm.
 
Klosi
Gjatë një takimi me përfaqësuesit e bankave të nivelit të dytë, ministri Blendi Klosi dhe drejtoresha e ISSH Vjollca Braho ranë dakort për gjetjen e një gjihe të përbashkët që pensioni të merret në bankë. Sipas Klosit, marrja e pensionit në bankë është një domosdoshmëri.

Redaksia Online
(Gre.M/Shqiptarja.com)