POP 5

Lajmet më të lexuara të 5 minutave të fundit

Politikë

PR e Shkodrës: PD vodhi
mandatin tonë manipuloi votën 

Partia Republikane e Shkodrës paralajmëron kalimin në opozitë në Këshillin Bashkiak të Shkodrës, nëse vota e republikaneve për 23 qershorin nuk do të lexohet drejt. PR do të kërkojë rinumërim të të paktën 10 kutive të votimit. (Foto: Gasper Koka, kandidat i PR)
TIRANE- Partia Republikane do të kërkojë rinumërim të të paktën 10 kutive në KZAZ-të 1,2,3 dhe 4 të Qarkut të Shkodrës.

Kjo është zyrtarizuar në një konference për shtyp të kandidatëve të saj Gasper Kokaj dhe Namik Kamberi, të cilët shoqëroheshin në daljen para mediave nga këshilltarët republikanë në Bashkinë e Shkodrës. Kandidati Kokaj ka akuzuar PD-në se ka shtuar votat e saj në dëm të Partisë Republikane, duke e nxjerrë në fund të numërimit humbëse për rreth 38 vota.
 
Kandidati republikan ka thënë se janë mbledhur fakte dhe prova që provojnë diskordanca në plotësimin e proces-verbaleve të numërimit.
 
Kokaj gjithashtu i ka drejtuar edhe një thirrje dy deputetëve, të partisë Demokratike dhe Socialiste të rrethit të Malësisë së Madhe.

Ditën e martë është mbyllur me -38 vota pa marrë mandatin PR. Më vonë procedurat abuzuese që kanë ndjekur strukturat zgjedhore, kryesisht numëruesit dhe komisionerët e PD-së, sipas informacioneve ata kanë ndryshuar rezultatin duke ngritur diferencën. Kjo është shqetësues " - tha Kokaj. 
 
"PD ta lexojë votën mirë në të kundërt do shikojmë qëndrimin tonë në këshillin bashkiak"- tha Kamberi. 

Pasi ka theksuar se republikanët janë aleatët më të afërt të PD-së, kryetari i republikanëve të Shkodrës Namik Kamberi ka paralajmëruar kalimin në opozitë në Këshillin Bashkiak të Shkodrës, nëse vota e republikaneve për 23 qershorin nuk do të lexohet drejt. Sipas Kamberit nëse Republikanët kalojnë në opozitë, PD-ja nuk është më në mazhorancë në Këshillin Bashkiak të Shkodrës.
Republikanët në qarkun e Shkodrës janë të vendosur të kërkojnë mandatin, që sipas tyre nuk i takon PD-së. Ankimimi i Partisë Republikane do të depozitohet në KQZ deri në orën 12 të natës së sotme, kohë kur është edhe limiti i fundit i lejuar nga ligji për zgjedhjet.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

U shpall fajtor për rastin 'Stormy Daniels', Trump i tërbuar në rrjetet sociale: Gjueti shtrigash, njerëzit janë me mua

U shpall fajtor për rastin 'Stormy Daniels', Trump i tërbuar në rrjetet sociale: Gjueti shtrigash, njerëzit janë me mua

11 Janar, 07:59