Në gjithë këto vite, fabula e vetme e opozitës ka qenë Edi Rama: Ai ishte i korruptuari, hajduti i votave, njeriu i lidhur me krimin, që duhej rrëzuar një orë e më parë, në mënyrë që të vinin këta në pushtet dhe të na shpëtonin.
Por tani shohim se nuk qenka tamam kështu. Ose më saktë, sipas atyre që vetë thonë, këta qenkan edhe më keq se Edi Rama, se ia paskan pas me të futur edhe njëri-tjetrit, jo më neve!
Tani del Berisha dhe ata që e ndjekin nga pas dhe thonë se nuk është vetëm Rama i korruptuari dhe i keqi, por edhe Lulzim Basha, me të cilin kanë një 20 vite që ndajnë çdo gjë.
Vetëm se këta veç para nja dy muajsh e njohën që ai paska qenë jo vetëm i paaftë, që nuk ka fituar asnjë palë zgjedhje, por edhe hajdut që ndan lekët me Taulant Ballën, tradhtar se bashkëpunon me Sorosin kundër PD dhe Berishës, i marrë peng nga Rama, me të cilin paska marrëveshje të fshehtë, dhe gjithfarë poshtërsish të tjera, që ne nuk i dinim dhe po na i zbulon “Foltorja” ditë pas dite.
Nga ana tjetër del Lulzim Basha, që thotë pak a shumë të njëjtat akuza, këtë radhë për Berishën. Edhe ky nuk e paska njohur Berishën gjithë këto vite, se siç i ka thënë një plak i urtë para ca kohësh, që ta njohësh vërtet Berishën, duhet ta kesh përballë si kundërshtar.
Dhe tani që e ka përballë, Basha paska zbuluar se Berisha është i lidhur me krimin, se është palë me Tom Doshin, “Qifen” dhe këta të fortët e Elbasanit, madje edhe se bashkëpunon me vetë Ramën kundër tij, bashkë me Ilir Metën, të cilit deri para ca muajsh i shkonte në zyrë sa herë e thërriste, për të çuar para “revolucionin” e tyre, që iu mbeti rrugës.
Në fund pastaj del edhe Ilir Meta, që mesa duket i ka ardhur prapë goja pas shpullave që mori më 25 prill dhe na tregon si ka bërë gjithë këto sakrifica për ish-aleatin e tij Lulzim Basha, duke e përdorur Presidencën si zyrë të opozitës, por ky i fundit nuk e paska merituar gjithë këtë, se i tradhtoi dhe po mban anën e SHBA, kundër Doktorit dhe Metës.
I vetmi që nuk përmendet më në gjithë këtë histori, me akuza tradhtish, korrupsioni e lidhje me banda e kriminelë, është Edi Rama. I cili, tani na dalka më i ndershmi, ndryshe nga sa na thoshin këta, që tani po shqyejnë njëri-tjetrin.
Kuptohet, jo se kjo është e vërtetë, por kur dëgjon këta, i jep të drejtë Edi Ramës, që thotë se “nuk jemi më të mirët, por më të mirë se ne s’ka”.
Ndaj dhe jemi këtu ku jemi!
Lajme të tjera
-
Një vend dedikuar artit dhe kreativitetit, hapet Qendra e Artit, Kulturës dhe Inovacionit në Korçë
18 Prill, 15:29 -
Ktheu deputetët e përjashtuar në grupin e PD, Basha kallëzon në SPAK Nikollën: Cënoi interesin e vendimmarrjet e partisë
18 Prill, 08:59 -
I dha PD-në Berishës, gjyqtari Agron Zhukri me 1 miliard lekë pasuri, përballet me bilance negative në vlera të mëdha në KPK
17 Prill, 21:54
-
Basha: Aleanca e fshehur kundër SPAK ka dalë hapur! Prokuroria e Posaçme e vetmja që po lufton korrupsionin
17 Prill, 16:14 -
Përfundon argjinatura në Juban të Shkodrës, Rama: Shmang rrezikun e përmbytjeve në Kuç e Vukatanë
17 Prill, 15:25 -
Prezantohet projekti i Manchester City në Durrës, gati brenda një viti! Rama: Sjellim edhe akademinë e tenistit Rafael Nadal
17 Prill, 12:11 -
Edhe Bardhi ‘la jashtë’ Berishën nga grupi i PD-së? Nikollës s’i çoi një listë deputetësh! Analisti: Pse s’i kërkoi llogari Kuvendit! Meçe: Situata absurde
16 Prill, 21:53 -
Asambleja voton pro anëtarësimit të Kosovës në KiE, Rama: Hap historik dhe i drejtë, i dha çka i takonte! Basha: Ditë e madhe për shqiptarët
16 Prill, 21:09 -
Basha nga Strasburgu: Asambleja e KiE votoi propozimin për konfiskimin e aseteve ruse, do përdoren për rindërtimin e Ukrainës
16 Prill, 17:38 -
‘Rusia duhet të paguajë për luftën në Ukrainë’, Basha në KiE: Vendimi, si pengese ndaj çdo agresioni
16 Prill, 16:40 -
Basha takon kryetarin e Parlamentit ukrainas: Fitorja e Ukrainës fuqizon kauzën e demokracisë dhe rrit sigurinë europiane
16 Prill, 15:52 -
Meta sulmon kreun e SPAK, Altin Dumanin: Karafil! Kushëriri i Nuredinit do të bëhet vrasës i pluralizmit! Të ketë kujdes, PL i ka 300 mijë Vojo Kusha
16 Prill, 14:38
