Punonjësi i gjendjes civile nr 4, Feim Zhupani është arrestuar bashkë me Dritan Beqirin nën akuzën e “shpërdorim detyre” dhe “falsifikim dokumentesh”. Mësohet se Beqiri, ka kërkuar dokument identifikimi fals, pasi rezultonte person me precedentë penalë.

Njoftimi i policisë
Arrestimi i këtyre shtetasve u bë për veprat penale të “Shpërdorimit të detyrës” dhe “Falsifikim të dokumentave në bashkëpunim“, parashikuar nga nenet 248 dhe 186/3 i K.Penal, pasi punonjësi gjëndjes civile, dyshohet se ka paisur me çertifikatë familjare shtetasin Dritan Beqiri, i cili ka aplikuar me dokumente të fallsifikuar, ku nga verifikimet e kryera ka rezultuar me dy rekorde në sistemin e gjëndjes civile, ku dyshohet se nuk ka pasqyruar këtë fakt në deklarimin e të dhënave për shtetasin Dritan Beqiri.

Materialet ju referuan Prokurorisë së Rrethit Gjyqësor Tiranë, për veprat penale të “Shpërdorimit të detyrës”, dhe “Fallsifikimi të dokumentave në bashkëpunim”, parashkuar nga nenet 248 dhe 186/3 të Kodit Penal.

Redaksia Online
(a.h/shqiptarja.com)