POP 5

Lajmet më të lexuara të 5 minutave të fundit

Kronikë

Pranga tritolprodhuesit, dyshohet
për lidhje me muxhahedinët

Ylli Zalla, që njihet si person problematik në Krujë, përsa i përket përplasjeve me pronarët e fabrikës së çimentos, trafikut të drogës apo dërgimit të xhihadistëve në Siri, u arrestua dje në fshatin Zallë, ku jetonte. (Në foto i arrestuari Ylli Zalla) FOTO
KRUJE- Ylli Zalla, që njihet si person problematik në Krujë, përsa i përket përplasjeve me pronarët e fabrikës së çimentos, trafikut të drogës apo dërgimit të xhihadistëve në Siri, u arrestua dje në fshatin Zallë, ku jetonte. Gjykata e Shkallës së Parë në Krujë kishte vendosur më 13 mars të 2014 masën e arrestit me burg, pasi ka kryer veprën penale "Prodhim e mbajtje pa leje e armëve luftarake”, si dhe “Prodhim dhe shitje të lëndëve narkotike”.

Gjatë kontrolleve të njëpasnjëshme, nga viti 2011, blutë i kishin sekuestruar 166 kallëpe tritoli me nga 400 gramë secila, 10 mina kundratank, qindra fishekë, etj, teksa vijonin përplasjet me Artur Gabën, administatorin e fabrikës së çimentos në Fushë-Krujë, përsa u përket problemeve të pronësisë. Mesazhe kërcënuese me jetë mbërritën në adresë të administratorit Gaba dhe të drejtorit Carl Xhorxh me dërgues Zallën, ndërsa thuajse përditë ato zona u tronditën nga shpërthimet e tritolit, deri kur ngjarjet u acaruan së tepërmi.

Ylli Zalla
(Në foto i arrestuari Ylli Zalla në posedim të armëve ushtarake)

Majin e vitit 2011, Gaba merr një mesazh nga Balla me tekstin e pandryshuar "hakmarrje për mashtrimin që na keni bërë fshatit Zalla dhe pronat tona. Nuk tallemi do e pagueni me kok Carl Xhorxh, Anuar Shadi Tur Gabo, me jetë do e shohim hakmarrje për drejsi loja ka filluar, hakmarrje për drejtësi e Carli”. Një vit më vonë, një shpërthim tritoli i telekomanduar trondit banorët e rrugës “Budi” në Tiranë, ku ndërrroi jetë Anuar Rizik, ekonomisti i fabrikës.

Edhe pas kësaj ngjarjeje, fabrika “zjente” nga shpërthimet me tritol, teksa banorët e fshatit Zallë shoqëroheshin në polici, pasi kishin shfaqur pakënaqësi rreth ndërtimit të fabrikës në tokën e tyre. Nga ana tjetër, policia dhe prokuroria kishin nisur të formulonin akuza dhe ta dërgonin në gjyq babain e 3 fëmijëve, për “mbajtje të municionit luftarak”, ndërsa në seancat pasuese Zalla shfaqte pendesë, teksa ekzaminimet e nxirrnin me probleme mendore.

ARMATIMI QE I'U KAP ZALLES:

􀉷 7 􀂿 shekë, model 54, kalibri 7.62 mm
􀉷 3 kallëpe eksploziv, 40 cm
􀉷 Një arkë boshe për mbajtjen e municioneve
􀉷 Lëndë e bardhë e kokrrizuar, rreth 2 kg nitrat amoni
􀉷 20 arka llamarine me fishekë luftarakë
􀉷 Disa arka municionesh te boshatisura
􀉷 10 mina kundratank MKT|
􀉷 720 fishekë e 7 pako me nga 20 fishekë secila
􀉷 166 kallëpe tritoli, ku një kallëp është 400 gr
􀉷 6 rrathë me fitil zjarrpërcjellës
􀉷 16 pako cilindrike (tritol), “Nobelex”
􀉷 2 predha granathedhëse
􀉷 21 cope kuti me shkrehës dhe ndezëz
􀉷 10 krehëra pushke, me nga 20 fishekë
􀉷 40 fishekë model 56, kalibër 7,62 mm
􀉷 3 karikatorë automatiku me nga 30 fishekë
􀉷 96 kapsolla detonatore

Në një nga akuzat e prokurorisë për të thuhet se “Sipas aktit të ekspertimit tekniko-xhenier Nr.54 datë 27.07.2011 rezulton se lënda objekt ekspertimi e futur në 8 pako është lëndë plasëse plastike, në gjendje të rregullt teknike, shpërthen nga kapsolla detonatore, mund të përdoret edhe për përgatitjen e ngarkesave me lëndë plasëse për shkatërrimin e objekteve të ndryshme”. Ndërkaq, mbetet për t’u sqaruar pozicioni i Zallës në trafik droge apo dërgimin e muxhahedinëve në Siri.

Shkrimi u publikua sot (12.04.2014) në gazetën Shqiptarja.com (print)

Redaksia Online
(d.a/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

28 Janar, 22:00 nga Danjela Maloku