Ministrja e Turizmit dhe Mjedisit, Mirela Kumbaro prezantoi në Komisionin për Veprimtaritë Prodhuese, Tregtinë dhe Mjedisin projektbuxhetin për vitin 2024. Ministria e Turizmit dhe Mjedisit ka përgatitur detajimet buxhetore duke ruajtur kufijtë e parashikuar, në pesë programe buxhetore që përmblidhen në Planifikim, Menaxhim, Administrim, Mbrojtje të Mjedisit, Administrim të Pyjeve, Zhvillim të Turizmit dhe Menaxhim të Mbetjeve.
Buxheti i Ministrisë së Turizmit dhe Mjedisit vjen me një rritje totale prej 35%, rezultat i rritjes së fondit për promovimin e turizmit dhe integrimin e programit të ri të menaxhimit të mbetjeve. Sa i takon turizmit, rritja e buxhetit në total me 300 milionë lekë vjen për të mbështetur pjesëmarrjen e Shqipërisë në panaire prestigjoze si ai i FITUR Madrid dhe ITB Berlin, organizimin në Tiranë të mbledhjes së 70 të Komisionit për Europën të Organizatës Botërore të Turizmit, organizimin në Shqipëri të konventës së Konfederatës Franceze të Ndërmarrjeve të Udhëtimit “Les Entreprises du Voyage”, si edhe kalendarin e eventeve turistike që ka ardhur nën aplikacionin TEA.
“Vetëm në pak muaj, TEA, aplikacioni që mbart brenda vetes Kalendarin e Eventeve Turistike në çdo bashki, është instaluar 25 mijë herë nga vizitorët dhe pushuesit, një shenjë që na shton energjinë për ta përmirësuar gjatë vitit 2024 duke e kthyer në një instrument afatgjatë të promovimit të eventeve turistike”, tha ndër të tjera Kumbaro.
Gjithashtu, përmes operacionit “Plazhe të pastra” do të mbështeten në vitin 2024 edhe bashkitë Lezhë dhe Shkodër.
“Rritet fondi për pastrimin e vijës bregdetare gjatë muajve të verës në 250 milion lekë. Eksperienca e viteve 2022 dhe 2023 ku ndërhymë fillimisht në 4 bashki, për t’u shtuar në 6 bashki, tregoi se ishte ndërhyrja e duhur për të siguruar një sezon veror të pastër përballë flukseve që kanë qenë më të lartat ndonjëherë. Për këtë arsye, për vitin 2024 shtohen në këtë program edhe bashkitë Lezhë dhe Shkodër, krahas Durrësit, Kavajës, Rrogozhinës, Vlorës, Himarës e Sarandës, duke plotësuar kështu të gjithë vijën bregdetare me forca të shtuara pastrimi përmes Agjencisë Kombëtare të Bregdetit”, u shpreh Kumbaro.
Vëmendje të veçantë Kumbaro i dedikoi edhe Parkut Kombëtar të Lumit Vjosa.
“Është një akt guximtar që e bëri Shqipërinë përfaqësuese të një modeli të bukur dhe të qëndrueshëm, si simboli më i sinqertë i simbiozës së mjedisit me turizmin. Tani, sërish në bashkëpunim me ekspertët ndërkombëtar po punohet për: Planin e Menaxhimit të integruar të Parkut, si dhe për projektin e Qendrës së re të vizitorëve në Parkun Kombëtar të Vjosës.”
Nga ana tjetër, buxheti i aprovuar në zërin e investime i hap rrugë edhe investimit në reabilitimin e “Ngritjes së Infrastukturës Turistike me theks tek ajo ujore Eco-Park Ulza” i cili ka filluar procesin e prokurimit këtë vit për ta kthyer këtë zonë, një hapësirë atraktive për zhvillimin e turizmit me një vlerë investimi për vitin 2024 prej 200,6 milion lekë.
Së fundi, ministrja Kumbaro përmendi edhe buxhetin e dedikuar prej 172 milionë lekë për nismën “Viti i Pyjeve” gjatë 2024-ës.
“Nismë shumë të rëndësishme që Ministria e Turizmit dhe Mjedisit dhe Agjencia Kombëtare e Pyjeve po punojnë, shpalljen e vitit 2024 si “Viti i Pyjeve” për të cilën kemi parashikuar një investim prej 172 milion lekë”, u shpreh Kumbaro. Do të jetë një vit me përfshirjen e shumë aktorëve, që nga institucionet qëndrore, të bashkitë të cilat janë edhe administruese të pyjeve në territor, te Agjencia Kombëtare e Zonave të Mbrojtura që administron rreth 21,5% të territorit ku një pjesë të madhe e zënë pyjet, tek organizatat dhe shoqëria, me synimin e ripyllëzimit por edhe të ngritjes së ndërgjegjësimit në nivel kombëtar për rëndësinë e pyjeve.
Ministrja Mirela Kumbaro gjatë fjalës së saj deklaroi se së shpejti do t’i drejtohet sërish Komisionit për Veprimtaritë Prodhuese, Tregtinë dhe Mjedisin për të marrë besimin mbi ndryshimet në ligjin e turizmit, për ligjin e "Përgjegjësisë së zgjeruar të prodhuesit", si edhe shtoi se po punohet për strategjinë e re të turizmit 2024-2030.
Lajme të tjera
-
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
Hapen aplikimet në e-Albania për menaxhimin e stacioneve të plazhit
15 Nëntor, 14:36 -
Shifrat Janar-Tetor/ 4,9 milionë vizitorë në zonat e mbrojtura, 1,7 mln të huaj! Kumbaro: Janë 20% më shumë se në 2023! Turizëm gjithëvjetor, fokusi tek eko-turizmi
14 Nëntor, 12:53 -
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
10,4 milionë vizitorë të huaj deri në tetor, Kumbaro: Shqipëria një destinacion turistik i shumëdëshiruar
13 Nëntor, 13:16 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Ankorohet anija me mbetje, 102 kontejnerët vendosen në Porto Romano! Ruhen me policë e monitorim me kamera! Ministria: Analizat në Belgjikë e Zvicër (VIDEO)
8 Nëntor, 07:04
-
Qeveria shton fondin për KQZ, 20 milionë lekë për përgatitjen për zgjedhjet 2025
6 Nëntor, 18:38 -
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Vjeshta në Lepushë dhe Vermosh, pamje mahnitëse nga fshatrat turistikë mes Alpeve! Pronarët e bujtinave: Kemi turistë, por s’ka kush u shërben
4 Nëntor, 15:16
-
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Turizmi, Rama: Jemi rritur me 3.2 milion udhëtarë përmes TIA! Tetori arriti në 942 mijë pasagjerë, 47% më shumë se vjet
2 Nëntor, 21:24
