Premier League e futbollit në Angli është në raundin e 30-të. Të shtunën u zhvilluan pesë ndeshje, ku nuk munguan golat, emocionet dhe surprizat. Në stadiumin 'Turf Moor' vendasit e Burnleyt barazuan 0-0 kundër Bournemouth. Për Burnleyn dy minuta nga fundi i ndeshjes u aktivizua edhe Armando Broja, sulmuesi i Kombëtares që mungonte në fushë prej 20 shkurtit pasi vuante nga një lëndim.

Në 'Emirates' Arsenali fitoi 2-0 kundër Evertonit me golat e Gyokeres dhe Dowman, ky i fundit është vetëm 16 veç, për të marrë tri pikë dhe për të kryesuar me 70 pikë renditjen, nëntë më shumë se Man. City ndjekës që ka një ndeshje më pak.

Në 'London Stadium' West Hami ndali 1-1 Manchester Cityn. Bernardo Silva kaloi miqtë në epërsi pas 31 minutave lojë, para se Mavropanos të barazonte gjithçka brenda pjesës së parë.

Në 'Stamford Bridge' Chelsea u mposht 0-1 nga Newcastle. Miqtë iu falën golit të Anthony Gordon në minutën e 18-të.

Premier League luan sot katër ndeshje. Nga ora 15:00 marrin jetë Crystal Palace - Leeds, Manchester United - Aston Villa, Nottingham - Fulham, ndërsa nga ora 17:30 nis Liverpool - Tottenham.

Premier League, raundi 30-të:

E shtunë, 14 mars 2026

Burnley 0-0 Bournemouth

Sunderland 0-1 Brighton

Arsenal 2-0 Everton

Chelsea 0-1 Newcastle

West Ham 1-1 Manchester City

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Prill, 09:22

    A besoni se do të zgjidhen çështjet e mbartura Shqipëri-Greqi?

Lajme të tjera