Elita e futbollit anglez, Premier League është në raundin e dhjetë. Këtë të shtunë u zhvilluan pesë takime, ku te tri pikët dolën Arsenali, Brighton dhe Palace. United u ndal në barazimin 2-2 kundër Nottingham.

Arsenali siguroi një fitore të rëndësishme në udhëtim ndaj Burnleyt, duke triumfuar me rezultatin 0-2 për të vijuar sërish kryesimin. Skuadra e Mikel Artetës e nisi ndeshjen me ritëm të lartë dhe kaloi në epërsi që në minutën e 14-të, kur sulmuesi Viktor Gyokeres gjeti rrjetën duke konfirmuar formën e tij të mirë. ‘Topçinjtë’ goditjen e radhës Burnleyt ia dhanë në minutën e 35-të, kësaj radhe me Declan Rice që shënoi për 0-2. Armando Broja luajti 14 minuta te Burnley në fundin e takimit.

Në ‘City Ground’, Nottingham barazoi 2-2 kundër Manchester United duke ndalur serinë pozitive të miqte. Casemiro shënoi për United në minutën e 34-t, para se Gibbs-White dhe Savona të përmbysnin gjithçka. Diallo në minutën e 81-të barazoi për 2-2.

Arsenal me 25 pikë mban kreun, ndërsa United me 17 pikë ndodhet në pozitën e pestë. Të diel luhen takimet e mbetura për t’u plotësuar tabloja e plotë e Premier League pas raundit të dhjetë.

Premier League, raundi 10-të:

Brighton 3-0 Leeds

Burnley 0-2 Arsenal

Crystal Palace 2-0 Brentford

Fulham 3-0 Wolves

Nottingham 2-2 Manchester United

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera