Të dielën u zhvilluan dy sfidat e fundit në Premier League angleze të futbollit, të vlefshme për raundin e 10-të. Fitore për West Ham dhe Manchester Cityn, ndërsa Arsenali duket se po marshon i vetëm drejt titullit, megjithëse është shumë herët për ta thënë.

Në "Etihad Stadium", Manchester City fitoi 3-1 kundër Bournemouth. Djemtë e Guardiolës u rikthyen te suksesi pas humbjes ndaj Aston Villas dhe heroi i takimit ishte Erling Haaland me dopietë (20 gola këtë sezon). Norvegjezi zhbllokoi sfidën në minutën e 17-të, ndërsa në të 25 minutë Adams vendosi ekuilibrat. Sërish Haaland në të 33' riktheu epërsinë për "Qytetarët". Në minutën e 60-të O'Railley shënoi golin e tretë për Cityn.

Në "London Stadium", West Ham fitoi 3-1 kundër Newcastle. "Qymyrxhinjtë" nuk po dalin në lojën e tyre dhe si pasojë nuk janë duke ruajtur ritmin e fitoreve.  Të parët në epërsi kaluan miqtë me Murphy në minutën e 4-t, por vendasit përmbysën brenda pjesës së parë me Lucas Paqueta dhe autogolin e Botman. Soucek në minutën 90+7 vendosi shifrat në 3-1. Pas tre humbjeve radhazi, West Ham rikthehet te suksesi, por mbetet sërish në fundin e renditjes.

Pas javës së 10-të, Arsenali me 25 pikë mban kreun e renditjes, ndjekur nga Manchester City me 19 pikë dhe Liverpool e Bournemouth me nga 18 pikë.

Premier League, raundi 10-të:

E diel, 02 nëntor 2025

West Ham 3-1 Newcastle

Manchester City 3-1 Bournemouth

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera