Presidencialet e SHBA në anën të tjetër të botës, GALLUP: Serbia, vendi më pro-Trump në Evropë! Si do të votonin shtetet e tjera

Vëmendja botërore është në SHBA, ku më 5 nëntor do të votohet në zgjedhjet presidenciale - votime që kanë ndikim edhe në pjesë të botës për shkak të rolit të madh politik, ekonomik e kulturor të SHBA-ve në rrafshin global.

Sondazhet në SHBA tregojnë për një garë të ngushtë në mes demokrates kamala Harris dhe republikanit Donald Trump.

Por, si do të votonin shoqëritë e vendeve evropiane në rast se do të merrnin pjesë në ato zgjedhje, një sondazh i Gallup international Association, tregon se shumica e evropianëve do të votonin për Kamala Harris.

LEXO EDHE:
Kush është Pam Bondi, e emëruara e Trump për postin e prokurores së përgjithshme?

Në mesin e këtyre vendeve edhe Kosova do të votonte për Harris, që sipas sondazhit e ka përkrahjen 55%, kundrejt 27% sa do të votonin për Trumpin, sipas sondazhit.

Në një përqindje të lartë për Harris do të votonin edhe vende tjera evropiane si Danimarka 85%, Finlanda 82%, Norvegjia 81%, Suedia 81% – shtete që njihen për nivel të lartë emancipues shoqëror, dhe përafrim me vlerat e demokracisë liberale që Partia Demokrate në SHBA kryesisht i përqafon.

Ndërkaq, për Trumpin sipas sondazhit do të votonin vetëm tetë vende evropiane, në mesin e tyre edhe Serbia që bashkë me Hungarinë kanë nivelin më të lartë të mbështetjes për Trumpin. Sipas sondazhit 59% e serbëve do të votonin për Trumpin.

Njësoj edhe shtetasit e Rusisë do ta bënin të njëjtën, me 43% mbështetje. Në këtë listë janë edhe Gjeorgjia, Moldavia – shtete që përafrohen botëkuptimisht me pikëpamje konservatore që Trump promovon./Javanews.al

TAG:
• zgjedhjet presidenciale ne SHBA
• donald trump
• Kamala harris

Sondazhi i ditës:

Çfarë prisni në vitin 2025?

• Punë

  10.9%

• Shëndet

  67.7%

• Mirëqënia

  21.5%

Vota total: 2217

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia