Presidenti Biden hapi një aktivitet për mbledhje fondesh ku u përqendrua tek historia e deklaratave provokative të ish-Presidentit Trump, duke i cilësuar siç tha ai ata që morën pjesë në trazirat e 6 janarit si “pengje” apo ushtarët të rënë në luftëra si “humbës”. Zoti Biden iu referua gjithashtu komenteve të zotit Trump, mbi dëshirën për të qenë “diktator” në ditën e parë të qeverisjes, apo zotimin bërë përpara mbështetësve të tij “do të marrë hak për ta”.
“Imagjinoni sikur Donald Trump-i të rizgjidhej. Ky është ai që kur ndodhej në Francë dhe i kërkuan të shkojë në varrezat amerikane në Francë nga Lufta e Dytë Botërore, aty ku janë të varrosur amerikanë, a e dini çfarë tha? Tha se ata që ishin të varrosur në atë varrezë ishin dështakë dhe humbës... Kështu i mendon ai gjërat, quan djalin tim, djemtë dhe vajzat tuaja që dhanë jetën për vendin dështakë dhe humbësa”, tha Presidenti Biden gjatë një tubimi më pas në Las Vegas.
Presidenti Biden u tha votuesve se rikthimi i Donald Trump-it në Shtëpinë e Bardhë do të ishte një makth për vendin.
“Ju jeni e gjithë arsyeja përse unë jam president i Shteteve të Bashkuara. Ju jeni arsyeja përse Donald Trump-i është ish president. Dhe ju jeni arsyeja përse Donald Trump-i do të humbasë sërish”, tha presidenti Biden.
Presidenti foli dhe për investimet që administrata e tij ka bërë në Nevada, përfshirë një linjë hekurudhore me vlerë 3 miliardë dollarë për trena të shpejtësisë së lartë që do të udhëtojnë mes Las Vegasit dhe Los Anxhelosit.
“Gjërat po ndryshojnë. Ne jemi më të mirët, ne jemi vendi më novator në botë... Ashtu siç veproi Franklin Roosevelt me miratimin e Ligjit për Elektrifikimin Rural në vitet ’30-të, duke e dërguar energjinë në çdo shtëpi dhe fermë pasi ishte e domosdoshme... ne po sjellim internetit me shpejtësisë së lartë kudo në Amerikë. Interneti sot është thelbësor për të bërë biznes, ashtu siç ishte atëherë energjia”, tha ai.
Presidenti Biden nuk përmendi çështjen e forcimit të kufirit apo të ndihmës për Ukrainën, ndërkohë që u njoftuan detajet e një projektligji me buxhet prej 118 miliardë dollarësh, ku kombinohen të dyja çështjet/VOA
Lajme të tjera
-
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Pesë pyetje për 2025-ën
26 Dhjetor, 08:23 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06
