Presidenti i PPE, Martens: Dorëheqjet
 në KQZ janë destabilizuese

Dorëheqjet e anëtarëve socialist të KQZ-së janë të papranueshme, sepse destabilizojnë procesin zgjedhor dy muaj para zgjedhjeve. Kështu ka vërejtur, Presidenti i Partive Popullore Europiane, Wilfries Martens, lidhur me situatën më të fundit politike në Shqipëri.

“Unë kam qënë duke e ndjekur nga afër zhvillimet e fundit në Shqipëri, që nga partneri më i ri i koalicionit, LSI-ja, që la koalicionin qeveritar për t’iu bashkuar opozitës. Në pikëpamjen e zhvillimit të zgjedhjeve të qevershorit, KQZ-ja duhet të reflektojë gjithashtu edhe riorganizimin e koalicionit qeveritar”, - nënvizoi ai.

“Është shumë e domosdoshme të ruhet ekuilibri brenda KQZ-së, i cili ishte përcaktuar në marrëveshjen ndërpartiake dhe ligjin e zgjedhjeve me ndërmjetësimin e OSBE-së dhe OSBE-ODIHR-it nga viti 2004 e deri më sot. Ndonjë përpjekje për ta ndryshuar ekuilibrin e rënë dakord, katër anëtarët e KQZ-së të propozuar nga qeveria dhe tri nga opozita, është një përpjekje për të destabilizuar tërë sistemin zgjedhor dy muaj para zgjedhjeve.
“Nën këto rrethana, dorëheqja e anëtarëve socialistë të KQZ-së janë të papranueshme”, - shtoi Martens.

“Më duhet të thuhet se Partitë Popullore Europiane mbështesin Kryeministrin Sali Berisha dhe Partinë demokratike dhe urojnë që zgjedhjet e 23 Qershorit të shënojnë një hap vendimtar për Shqipërinë drejt integrimit në BE”, - përfundoi Presidenti Martens.

Redaksia online
(ar.sh/shqiptarja.com)

TAG:
• kqz
• OSBE
• OSBE-ODIHR