Ilir Meta do të jetë në krye të Presidencës deri më 24 korrik 2022, ndërsa Kuvendi duhet të nis procesin e zgjedhjes së tij jo më vonë se 24 maji 2022 sipas Kushtetutës. Partia Socialiste e cila ka edhe mazhorancën e parlamentit ka ngritur grupin e punës që do të zhvillojë konsultimet me grupet e tjera e parlamentare në Kuvend, për të përzgjedhur një emër konsensual. PS ka mandatuar Taulant Ballën, Elisa Spiropalin dhe Damian Gjiknurin për procesin e zgjedhjes së presidentit të ri të vendit, ndërsa Balla tha se ky proces ndodh brenda Kuvendit të Shqipërisë dhe dëshira e socialistëve është për konsultim e dialog nga të gjitha palët. Këto deklarata Balla i bëri pas mbledhjes së grupit parlamentar.
“Po afron dita që në konferencën e kryetarëve të ketë një kalendar për zgjedhjen e presidentit të republikës, jo më vonë se 60 ditë nga dita e përfundimit të mandatit, pra jo më vonë se 24 maji duhet të ketë filluar procesi. Kuvendi do të marrë kohën e duhur për të zhvilluar një proces. PS ka udhëheqësinë e këtij procesi si shumicë parlamentare, dëshira është për një proces të hapur konsultimesh, natyrshëm brenda suazës së Kuvendit, dhe bashkë me mua si kryetar i grupit parlamentar do jetë edhe Spiropali dhe Gjiknuri si të mandatuar nga grupi për të konsultuar me grupet e tjera parlamentare, me deputetë me këdo që është i interesuar për të institucionalizuar një dialog konstruktiv. Këto konsultime kanë filluar edhe brenda grupit parlamentar nga sot ku deputetëve është i kërkuar të vijnë me propozime konkrete, konfidenciale nëse duan, që të kemi një listë të atyre që mund të jenë kandidaturat e mundshëm për t’u mbështetur pastaj me firmat, për depozitimin e kandidaturave në sekretarinë e kuvendit dhe më pas kalimin në 5 raunde”, tha Balla.
Teksa theksoi se Presidenti zgjidhet në Kuvend, edhe konsultimi do të ndodh me grupet parlamentare që janë në Kuvend, ndërsa shtoi se çfarë ndodh brenda partive është problemi i tyre i brendshëm, duke iu referuar luftës PD-Komisioni i Rithemelimit. Balla tha se vendit i duhet një President mbi palët, diametralisht të kundërt me Ilir Metën.
“Grupet parlamentare janë ato që ju dini, çfarë ndodh në grupet parlamentare është çështje e tyre. PS gjithmonë ka qenë e vetmja parti që ka kontribuar në vendosjen e standardeve. Konsultimi për aq kohë sa Presidenti zgjidhet nga Kuvendi ndodh në Kuvend. Shqipëria sot më shumë se kurrë ka nevojë për një president normal, dhe natyrshëm duke qenë se nuk kemi pasur një president mbi palët por palë e palëve të opozitës. Ne na duhet që Shqipëria në vitin 2022 të zgjedhë një president në aspektin diametralisht të kundërt me atë që ka përfaqësuar Ilir Meta. Shqipëria do të ketë një president ose presidente shumë më të mirë dhe të pakrahasueshëm me Metën”, tha Balla.
Raundet dhe procedura si zgjidhet Presidenti i ri, kërkohen 84 vota por mjaftojnë edhe 71
Sipas Kushtetutës procesi i zgjedhjes së Presidentit të Republikës në Kuvend nis jo më vonë se 60 ditë para mbarimit të mandatit të Presidentit aktual. Domethënë në rastin konkret procedura duhet të nisë para datës 24 maj.
Pas përcaktimit të datës së raundit të parë në zbatim të nenit 87 të Kushtetutës së Republikës së Shqipërisë, një grup me jo më pak se 20 deputetë ka të drejtën t’i propozojë Kuvendit kandidaturën për President të Republikës së Shqipërisë. Një deputet nuk mund të propozojë më shumë se 1 kandidat për Presidenti. Kushtetuta e Shqipërisë parashikon që raundi konsiderohet i bërë edhe nëse nuk paraqitet asnjë kandidat. Pra opozita nuk e bllokon procesin as me mos pjesëmarrjen e saj në seancë, që do ta bënte të pamundur plotësimin e kuorumit në 3 raundet e para, 84 vota.
Në mënyrë më të hollësishme, neni 87 i Kushtetutës dhe neni 109 i Rregullores së Kuvendit, parashikojnë rregullat mbi procedurën e zhvillimit të raundeve të votimit si edhe shumicën e kërkuar në secilin prej raundeve. Kushtetuta përcakton se janë pesë raunde për zgjidhjen e Presidentit. Në tre raundet e para kërkohet një shumicë prej 3/5, 84 vota, ndërsa në dy e tjera, të katërtin dhe të pestin, presidenti mund të zgjidhet me 71 vota. Raundet nga njëri tjetri duhet të zhvillohet brenda 7 ditëve, që do të thotë se Presidenti i ri i Republikës në muajin maj do të jetë votuar nga Kuvendi.
Votimi për secilin raund bëhet i fshehtë dhe pa debate. Votimi quhet i kryer edhe kur në Kuvend nuk paraqitet asnjë kandidaturë. Tashmë priten emrat e kandidatëve për Presidentin e ri të vendit.
I pyetur se me cilin grup të Partisë Demokratike do të bisedohet, Balla tha se PS do të flasë me grupet parlamentare pasi Presidenti zgjidhet në Kuvend.
"Grupet parlamentare janë ato që ju dini, çfarë ndodh në grupet parlamentare është çështje e tyre. Rruga evropiane e Shqipërisë, kriteret e Kopenhagenit kanë përcaktuar se duhet dialog. PS gjithmonë ka qenë e vetmja parti që ka kontribuar në vendosjen e standardeve. Konsultimi për aq kohë sa Presidenti zgjidhet nga Kuvendi ndodh në Kuvend", tha Balla.
Komente
Lajme të tjera
-
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Sali Berisha lirohet nga 'arresti shtëpiak!' Reagon opozita! Bardhi: Fitore politike e tij! Meta nga burgu: Urime
27 Nëntor, 11:29 -
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Abuzime me fondet e BE/ Drejtoresha e SASPAC: Po bëjmë audit, partnerët do njihen me analizën! PS: Flet drejtësia! PD: E turpshme
26 Nëntor, 16:30
-
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Kryeparlamentarja Spiropali dhe 20 homologe nënshkruajnë deklaratën e përbashkët 'Kthejini Zërin Grave Afgane': Nuk do i braktisim kurrë, mbrojtje nga regjimi Taleban!
25 Nëntor, 18:45 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Vota e diasporës në ngërç, PS dhe PD gati për të ndryshuar Kodin Zgjedhor! Gjiknuri e Kaso për Report tv: Të adresojmë problemin
25 Nëntor, 15:40
-
'Mbi 100 mijë çekë po vijnë për turizëm në Shqipëri', Kryetarja e parlamentit çek vizitë zyrtare në Tiranë, takon Spiropalin
25 Nëntor, 13:15
Ne kemi pasur disa presidente te mire ne keto 30 vjet,problemet i kemi patur vetem me ata qe kane mbajtur ane dhe kane trazuar politiken dhe jeten e vendit duke tejkaluar, shkelur e shperdoruar kompetencat honorifike e unitare te postit te tyre.Do ishte mire te zgjidhej nje figure intelektuale e respektuar nga populli,pa lidhje me politiken,me mire do te ishte te zgjidhej me vote nga populli,por kjo i takon te ardhmes.Megjithate,nuk do te ishte keq sikur kuvendi te hapte nje oferte per fig.intelektuale te respektuara nga populli, qe do te deshironin te kandidonin dhe ne baze te kesaj liste,grupet parlamentare te diskutonin dhe te zgjidhnin me te pershtatshmin.
PërgjigjuDo me pelqente Rexhep Qosja President i Shqiperise dhe i Kombit Shqiptar,si alternativa me e mire. Kandidate te tjere do te propozoja Fatos Tarifa,Lisien Bashkurti,ose dhe Mimi Kodheli,nese do jete nje femer.
PërgjigjuDo zgjedhet një president që do e puthë balkanin serborus dhe që do i thotë lamtumirë Kosovës, këtë e do Edvin Vucici
PërgjigjuKodheli mund te ishte nje kandidature e mire
Përgjigjumimi me qe ishte e afte te fikte radaret e ushtrise naten kur ishte ministre qe te kalonte malli i edi rames me aviona e skafe, mendoj fiks si ty o komunist i lalit, se do te ishte nje presidente e denje per kete vend e per mbeturina si ti,
A ka intelektual me te mire se prof. PERPARIM KABO, po si PELLUMB KULLA....
PërgjigjuZoti Balla ,Shqiperia eshte mire kete rradhe te zgjedh nje figure akademike me njohuri juridike dhe historike ,qe te mundet te mbaje ne lartesine e duhur te postin e larte te presidentit te Republikes . Nje figure e njohur si prof sir Krisafi mund te jete nje kandidature e spikatur
Përgjigju