Presidenti i Kroacisë, Zoran Milanoviç ka bërë një deklaratë të pazakontë teksa fliste për mediat kroate ditën e sotme. Ndërkohë që foli për luftën Rusi-Ukrainë, Milanoviç tha se ishte Rusia shteti që kishte bërë aneksimin dhe e krahasoi atë me rastin e Kosovës. Ai tha se Kosova i përkiste Serbisë por u aneksua nga bashkësia ndërkombëtare.
“(Kosova) është rrëmbyer nga Serbia. Kosova është marrë nga Serbia, a është kështu? A e kemi njohur Kosovën, po e kemi njohur. Unë jam prapa Kosovës, por pasi kjo është bërë njëherë (aneksimi), pra pa vullnetin e shtetit (Serbisë), të cilës Kosova i ka takuar e kjo ka qenë Serbia, respektivisht Jugosllavia, e cila për ne nuk është shtet mik dhe as që jemi brengosur për ta, ka qenë vetëm çështje kohe se kur Rusia apo dikush tjetër do të bëjë të njëjtën dhe kjo tani po ndodhë”, ka thënë Milanoviç.
Ai shtoi më tej se nuk ishte në pikëpyetje kontestimi i Kosovës por krahasimi i koncepteve të cilat sipas tij janë të njëjta, duke theksuar se ndërkombëtarët në njëfarë mënyre e rrëmbyen Kosovën nga Serbia duke e aneksuar dhe se e njëjta gjë po ndodhte edhe me Ukrainën.
Sipas tij, Serbia dhe Rusia nuk janë njësoj. Milanoviç i quajti “çmenduri” disa diskutime në Parlamentin Europian rreth luftës në Ukrainë.
“Ne dhe serbët nuk e urrejmë njëri-tjetrin aq shumë”, ka thënë ndër tjerash presidenti kroat.
Këto deklarata të presidentit kroat, bënë menjëherë bujë në mediat serbe të cilat e kanë publikuar deklaratën e tij me titullin: “Milanoviç e pranoi, Kosova u rrëmbye nga Serbia”. Ndërsa për këtë deklaratë ka reaguar edhe kryeministri i Kroacisë Andrej Plenkoviç i cili tha se Kosova nuk është aneksuar nga ndërkombëtarët dhe se është shtet sovran dhe i pavarur.
Deklarata e presidentit kontravers kroat, Zoran Milanoviç, i cili tha se “perëndimi e ka aneksuar Kosovën prej Serbisë”, ka sjellë reagime të shumta dhe kritika në Kroaci.
Së fundmi për këtë deklaratë ka reaguar edhe kryeministri i Kroacisë, Andrej Plenkoviç i cili ka thënë se Kroacia e ka njohur Kosovën dhe se është shtet sovran, duke treguar distancim nga deklarata e Milanoviç.
“Sa jam unë në dijeni askush nuk e ka aneksuar Kosovën. Asnjë shtet. Kosova është shtet i pavarur të cilin e ka njohur Kroacia. Aneksim është kur Rusia okupon territor të Ukrainës, organizon referendum të rrejshëm dhe ia bashkon ato pjesë Rusisë. Kosova është shtet i pavarur, sovran, që e kemi njohur. Askush nuk e ka aneksuar“, tha kryeministri i Kroacisë, Andrej Plenkoviç.
Deputetja shqiptare në Kroaci, Ermina Lekaj Prljaskaj, ka reaguar ndaj deklaratës së presidentit kroat Zoran Milanoviç i cili tha se se “Kosova i është rrëmbyer Serbisë”. Ajo theksoi se themelet për pavarësinë e Kosovës janë të njëjtat që çuan në pavarësinë e Kroacisë.
Ajo tha se Kroacia ashtu si Kosova kishte qenë pjesë e ish Jugosllavisë. Më tej shtoi se Kosova ishte element përbërës i federatës, duke theksuar se iu hoq autonomia nën presionin e Sllobodan Millosheviçit.
“Kosova vetëqeverisëse u degradua në njësi administrative në të cilën u zbatua një regjim policor dhe persekutim masiv i popullatës shumicë shqiptare. E gjithë kjo, për shkak të rrezikut të një fatkeqësie të afërt dhe shkeljes së dispozitave të së drejtës ndërkombëtare humanitare, çoi në një ndërhyrje humanitare, e cila është e njohur në marrëdhëniet ndërkombëtare dhe pikërisht në zonën e Evropës Juglindore”, tha Lekaj.
Komente
Lajme të tjera
-
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47
Eshte pune e Kroacise,Pse eshte zgjedhur ky kodosh serbe President i shtetit?!Po ama shteti ka nje program shteteror,politike e kombetare,si dhe qendrime per politiken e jashme dhe raporte mes sh tetesh.Asnjehere me kroatet,madje as ne komunizmin, nuk kishim kontestime politike e kombetare.Por,ky fare kodoshi, i paska "kecye gardhin" dhe ka dalur ne livadh.kjo eshte pune dhe obligim shtetror kroate, Ku dhe si me tutje?!!
Përgjigju