'Shqipëri-Vietnam, sa më parë marrëveshje për heqjen e taksimit të dyfishtë' (VIDEO)

Presidenti i Republikës, Ilir Meta, ndodhet në Tokio, ku po merr pjesë në ceremoninë e kurorëzimit të Perandorit të ri të Japonisë, Naruhito, ku  takoi Kryeministrin e Vietnamit, Nguyễn Xuân Phúc.

Meta vlerësoi marrëdhëniet tradicionale mes Shqipërisë dhe Vietnamit, si dhe shprehu vullnetin e gadishmërinë për forcimin e tyre, në kontekstin e ri të zhvillimeve të të dy vendeve dhe objektivave për zhvillim të qëndrueshëm. 

“Bashkëpunimi i ngushtë në organizatat ndërkombëtare, veçanërisht në kuadër të OKB-së, rritja e shkëmbimeve ekonomiko-tregëtare, përmirësimi i kuadrit ligjor reciprok, janë të rëndësishme për një dinamikë të re në marrëdhëniet midis dy vendeve”, - nënvizoi Presidenti Meta gjatë takimit me Kryeministrin e Vietnamit,  Nguyễn Xuân Phúc.

Meta dhe Kryeministri i Vietnamit theksuan rëndësinë e nënshkrimit sa më parë të marrëveshjes për heqjen e taksimit të dyfishtë dhe për nxitjen dhe mbrojtjen e investimeve reciproke. 

Kryeministri i Vietnamit, Nguyễn Xuân Phúc i konfirmoi Presidentit Meta ftesën zyrtare të Presidentit të Vietnamit për një vizitë shtetërore me qëllim gjallërimin e marrëdhënieve midis dy vendeve tona.

Presidenti Ilir Meta me kryeministrin e Vietnamit, Nguyễn Xuân Phúc

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti