Presidenti Meta përuron librin 'Kurani me referenca nga Bibla, Një kuptim bashkëkohor': Shqipëria shembull i harmonisë dhe bashkëjetesës fetare

Presidenti Meta përuron librin 'Kurani me referenca nga Bibla, Një kuptim bashkëkohor': Shqipëria shembull i harmonisë dhe bashkëjetesës fetare

TIRANË- Në mjediset e Presidencës u përurua pasditen e sotme libri “Kuran – me referenca nga Bibla: Një kuptim bashkëkohor”, i autorëve amerikanë Dr. Safi Kaskasi dhe Dr. David Hungerford.

Presidenti Ilir Meta theksoi gjatë fjalës së tij se Shqipëria është shembull në mbarë botën, i harmonisë dhe bashkëjetesës fetare. Meta u shpreh se synimi i librit është të bashkojë edhe më shumë njerëzit me përkatësi të ndryshme fetare.

Sipas tij, ku libër do të mirëpritet nga lexuesit shqiptarë, pasi vendi ynë është shembull i harmonisë dhe bashkëjetesës ndërfetare.

“Jam i lumtur që jemi sot, së bashku, në promovimin e librit ‘Kurani – me referenca nga Bibla”, të autorëve Dr. Safi Kaskas dhe Dr. David Hungerford, që vjen tashmë edhe në gjuhën shqipe për lexuesit e vendit tonë. Që në titullin e librit, dallojmë mesazhin e harmonisë dhe të afrimit të dy librave të shenjtë, Kuranit dhe Biblës, të cilat siç tregohet, kanë qëllim kryesor të përbashkët pajtimin e njerëzve me fjalën e Zotit. Synimi i librit është të bashkojë edhe më shumë njerëzit me përkatësi të ndryshme fetare, duke treguar se ajo që i bashkon besimet është më e madhe dhe më e fortë se ajo që i dallon, dhe fuqia që e bashkon njerëzimin, pra Zoti, krijon harmoni dhe jo ndasi. Nën këtë frymë, ky libër ndihmon në ndërtimin e urave të mirëkuptimit, të tolerancës dhe harmonisë së besimeve të ndryshme, duke hedhur dritë mbi të vërtetat epokale që përmbajnë Kurani dhe Bibla, dhe duke nxitur lexuesit t’i duan njerëzit e të shmangin radikalizmat. Ky libër të shtyn të ndjekësh ‘rrugën e drejtë’ të pajtimit të njeriut me Zotin. Jo vetëm titulli dhe përmbajtja, por edhe vetë autorët e këtij libri shërbejnë si një simbol bashkimi dhe harmonie. ‘Kurani me referenca nga Bibla’ është fryt i një pune të madhe disavjeçare të dy profesionistëve të shquar: doktor Safi Kaskas, një mysliman nga Lindja e Mesme dhe të ndjerit doktor David Hungerford, një kirurg ortoped, një i krishterë nga Shtetet e Bashkuara të Amerikës. Dokotor Kaskas lindi në Bejrut gjatë Luftës së Dytë Botërore e u rrit duke përjetuar si momente paqja midis myslimanëve dhe të krishterëve ashtu edhe periudha konfliktesh të përgjakshme midis tyre, përvoja të cilat e formuan doktor Kaskas të bëhej një figurë e shquar në pajtimin e njerëzve me kultura dhe prejardhje të ndryshme fetare.

Nga ana tjetër, bashkautori i këtij libri, i ndjeri doktor Hungerford nuk kishte takuar kurrë më parë një mysliman, derisa nisi të studionte mjekësi. Dhe teksa shërbeu për 41 vjet në Universitetit Johns Hopkins si kirurg ortoped, përmes Fondacionit të tij ‘Pema e Jetës’, ai zhvilloi një veprimtari të gjerë humanitare, në shumë vende me shumicë myslimane. Me prejardhje krejt të ndryshme, të dy autorët kanë shpalosur kontributin e tyre të përbashkët falë kombinimit të kulturave, përvojave dhe traditave të ndryshme fetare. Libri ‘Kurani me referenca nga Bibla’, ofron jo vetëm një përkthim të ri të Kuranit, por ai shoqërohet me referenca të gjera biblike, që arrijnë deri në 3 mijë prej tyre, duke ndihmuar kështu në përmbushjen e qëllimit që ka për të nxitur harmoni fetare. Ai qartëson keqkuptimet apo keqpërdorimet e vargjeve të Kuranit, duke ndërgjegjësuar të krishterët dhe myslimanët, për ngjashmëritë e shumta e të përbashkëta, që ekzistojnë në Kuran dhe në Bibël. Ky libër shërben si një reflektim, si për akademikët, ashtu edhe për kureshtarët, pavarësisht nga niveli arsimor, mosha, përvoja jetësore apo tradita e tyre fetare.

I ardhur tashmë në gjuhën shqipe, libri është një vlerë më shumë në fushën e letrave dhe studimeve në vendin tonë. Ky libër, jam i bindur se do mirëpritet dhe kuptohet fare mirë nga lexuesit shqiptarë, pasi vendi ynë është shembull në mbarë botën, i harmonisë dhe bashkëjetesës ndërfetare. Harmonia jonë ndërfetare është arritur edhe fal udhëheqësve tonë të gjitha besimeve fetare në vendin tonë, të cilët i kanë interpretuar dhe predikuar shkrimet e shenjta në kuptimin e tyre fillestar e të vërtet, duke përçuar mesazhin e tyre të shenjtë, që është: Dashuria për Zotin dhe njëri-tjetrin, Paqja dhe Harmonia. Ky është edhe mesazhi i librit ‘Kurani me referenca nga Bibla’, në të cilin lexuesi dëshmon harmoninë midis librave të shenjtë, dhe dobinë e tyre për paqen dhe pajtimin, për bashkimin dhe afrimin me njëri-tjetrin, për ta bërë individin pra njeriun më të mirë, dhe të gjithë shoqërinë më të moralshme, më të bashkuar dhe më tolerante.”

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?



×

Lajmi i fundit

Rikthehen në detyrë prokurorët e SPAK, Elvin Gokaj dhe Alfred Shehu! Gjykata e Lartë rrëzoi vendimin e Apelit Administrativ që i pezulloi

Rikthehen në detyrë prokurorët e SPAK, Elvin Gokaj dhe Alfred Shehu! Gjykata e Lartë rrëzoi vendimin e Apelit Administrativ që i pezulloi