Presidenti Meta viziton kampin e Muxhahedinëve në Manëz: Tronditëse! Nuk e dija për këtë gjenocid...

Presidenti Ilir Meta pasditen e kësaj të premteje ka vizituar 'qyetetin' e muxhahedinëve që ndodhet në afërsi të Manzës, 'Ashraf 3'.

Drejtuesit e Organizatës Popullore të Muxhahedinëve të Iranit (PMOI) pritën presidentin dhe e prezantuan me kampin e tyre 30 km larg Tiranës, e ku strehohen rreth 3 mijë muxhahedinë.  Së bashku me Metën në këtë vizitë ishte edhe kreu i Partisë Republikane, Fatmir Mediu.
 
Presidenti Meta u takua me udhëheqësen e opozitës iraniane, Maryam Rajavi dhe vizitoi ekspozitën 5- vjeçare të Rezistencës për Liri në Ashraf.

 "Unë nuk e kisha ide për sasinë e sakrificës dhe shkallën e vrasjeve dhe gjenocidit që ju dhe përkrahësit tuaj pësuan," i tha Presidenti Meta, Maryam Rajavit.

"Teksa shohë këtë, burra, gra dhe fëmijë,  që u masakruan... është tronditëse për mua." ka thënë ndër të tjera Meta.

Presidenti shqiptar theksoi: Kjo gjithashtu tregon ekzistencën e një lëvizjeje të përhapur brenda Iranit ... Unë jam shumë i impresionuar nga plani dhjetë-pikësh. Maryam Rajavi u emërua sepse bazohet në liritë themelore dhe garanton prosperitet dhe demokraci për popullin iranian. Të gjithë ne në Shqipëri jemi të bashkuar në mbështetjen e përpjekjeve dhe vendosmërisë suaj.

Ndërsa Rajavi tha: "Populli iranian kurrë nuk do ta harrojë mikpritjen shqiptare të luftëtarëve të lirisë së Iranit dhe kjo është regjistruar dhe ruajtur në historinë e marrëdhënieve të dy kombeve. Gjithashtu, vendosmëria e Shqipërisë kundër mullahs dhe dëbimi i ambasadorit të saj për pjesëmarrje në terrorizëm është një model për vendet e tjera të botës.

TAG:
• Ilir Meta
• Irani
• muxhahedinë
• debimi i ambasadorit iranian
• manëz