POP 5

Lajmet më të lexuara të 5 minutave të fundit

Kosova & Rajoni

Presidenti serb takim me të dërguarin e BE për dialogun: Asociacioni, kusht për normalizimin e marrëdhënieve me Kosovën

Aleksandër Vuçiç ka takuar sot në Beograd Peter Sorensen, i dërguari special i BE-së për dialogun Kosovë-Serbi. Vuçiç theksoi se Serbia është e gatshme për një dialog konstruktiv që mund të sjellë paqe në Ballkanin Perëndimor.

Presidenti serb takim me të dërguarin e BE për dialogun: Asociacioni, kusht për normalizimin e marrëdhënieve me Kosovën

Peter Sorensen dhe Aleksandër Vuçiç

Serbi-Presidenti serb Aleksandër Vuçiç ka takuar sot në Beograd Peter Sorensen, i dërguari special i BE-së për dialogun Kosovë-Serbi.

Gjatë takimit të tij të parë me Sorensen, ka theksuar se themelimi i Asociacionit të Komunave me Shumicë Serbe është “parakusht” për fillimin e normalizimit të marrëdhënieve Prishtinë-Beograd.

“Unë theksova pengesat e vazhdueshme që bën Prishtina në procesin e dialogut dhe ritheksova se formimi i Asociacionit të Komunave me Shumicë Serbe, pas 12 viteve të refuzimit të Prishtinës për ta përmbushur obligimin, është parakusht për fillimin e normalizimit esencial të marrëdhënieve”, shkroi Vuçiç në rrjetet sociale.

Vuçiç theksoi se Serbia është e gatshme për një dialog konstruktiv që mund të sjellë paqe në Ballkanin Perëndimor.

“Theksova pritjen se BE-ja do të rrisë angazhimin e saj dhe do të mbajë një rol të paanshëm në këtë proces. Përsërita qëndrimin e Serbisë se vetëm dialogu konstruktiv dhe zgjidhjet kompromisi mund të kontribuojnë për paqen dhe stabilitetin afatgjatë në Ballkanin Perëndimor”, shtoi ai.

Kjo është vizita e parë e Sorensen në Beograd pas marrjes së detyrës. Javën e kaluar ai bëri një vizitë treditore në Kosovë, gjatë së cilës, pas takimeve të ndara me zyrtarë të institucioneve të përkohshme në Prishtinë, deklaroi se kanë biseduar për të ecur përpara në procesin e dialogut.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Rama shqiptarëve të Athinës: Vetëm ne na thonë në aeroport kur hyjmë, se kur do ikësh! Kjo me pasaportën e BE-së nuk do të ndodhë

Rama shqiptarëve të Athinës: Vetëm ne na thonë në aeroport kur hyjmë, se kur do ikësh! Kjo me pasaportën e BE-së nuk do të ndodhë

30 Mars, 17:18