POP 5

Lajmet më të lexuara të 5 minutave të fundit

Bota

Presidenti Trump nuk heq dorë nga ‘aneksimi’ i Groenlandës: Do ta marrim

Presidenti i Shteteve të Bashkuara, Donald Trump, ka intensifikuar pretendimet e tij për Groenlandën, përpara vizitës së nënpresidentit JD Vance në ishull.

Presidenti Trump nuk heq dorë nga ‘aneksimi’ i Groenlandës: Do ta marrim

Donald Trump

Presidenti i Shteteve të Bashkuara, Donald Trump, ka intensifikuar pretendimet e tij për Groenlandën, përpara vizitës së nënpresidentit JD Vance në ishull. "Na duhet Groenlanda për sigurinë ndërkombëtare. Na duhet. Duhet ta kemi," tha Trump në një intervistë me podkasterin Vince Coglianese. "Më vjen keq ta them në këtë mënyrë, por do ta kemi," shtoi ai.

Disa orë më parë, ministri i Jashtëm i Danimarkës, Lars Løkke Rasmussen, ishte shprehur i kënaqur që vizita e nënpresidentit amerikan JD Vance dhe bashkëshortes së tij në Nuuk dhe Sisimiut, në Groenlandë, ishte reduktuar në një vizitë vetëm në bazën hapësinore amerikane Pituffik, në veri-perëndim të Groenlandës.

"Mendoj se është shumë pozitive që amerikanët kanë anuluar vizitën e tyre në shoqërinë groenlandeze. Në vend të kësaj, ata do të vizitojnë bazën e tyre, Pituffik, dhe ne nuk kemi asgjë kundër kësaj," tha Rasmussen për transmetuesin DR.

Sipas Løkke, gjëja më e rëndësishme është që politikanët amerikanë të mos vizitojnë komunitetin groenlandez pa një ftesë zyrtare. "Çështja tani ka marrë fund dhe kjo është diçka pozitive."

Qeveritë daneze dhe groenlandeze kishin protestuar kundër vizitës së planifikuar të një delegacioni të lartë amerikan në disa rajone të Groenlandës, një vizitë që ishte mbështetur nga Donald Trump. Kjo vizitë ishte organizuar pa një ftesë zyrtare nga Groenlanda, në një kohë kur Groenlanda është në pritje të një qeverie të re.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Prill, 11:51

    Trump tarifa doganore 10 për qind Shqipërisë, sa ndikon në ekonomi?

Lajme të tjera



×

Lajmi i fundit

Spahiu: SPAK-ut nuk ke çfarë t’i hakosh, të dhënat e tij dalin në pazar dhe lexohen në media! Duhet parë motivi, ka dy pista

Spahiu: SPAK-ut nuk ke çfarë t’i hakosh, të dhënat e tij dalin në pazar dhe lexohen në media! Duhet parë motivi, ka dy pista

3 Prill, 23:09