TIRANË- Protesta e naftëtarëve të Ballshit do të zhvendoset ditën e nesërme në Tiranë, përpara Ministrisë së Transporteve. Burime për Report Tv bëjnë me dije se do të nisen ditën e nesërme në Tiranë ku kërkojnë pagën e prapambetur dhe rifillimin e punës. Ato po organizohen në mënyrë që të mblidhen sa më shumë persona.
Sipas tyre, zgjidhjen e problemit që kanë prej disa muajsh duhet të zgjidhë vetë ministrja e Infrastrukturës, Belinda Balluku dhe kryeministri Edi Rama. Rafineria e Përpunimit të Naftës në Ballsh ka ndalur punën në shtator të vitit të kaluar dhe rreth 700 naftëtarë kanë mbetur pa punë.
Javën e kaluar u duk se u arrit konsensusi, pasi kompania nga Azerbajxhani "Allum" që menaxhon këtë rafineri kishte premtuar nënshkrimin e kontratave të punës me naftëtarët si dhe dhënien e një page mujore. Por asnjëra nga këto nuk ndodhi dhe naftëtarët iu rikthyen protestave.
![](https://shqiptarja.com/template/img/NO_ALFA_Kuadrate shqiptarja.png)
Një ditë më parë Kryeministri Edi Rama lajmëroi se ka zhvilluar një takim me Presidentin e Azerbajxhanit Ilham Aljev, ku i ka kërkuar zgjidhjen afatgjatë të problemit të krijuar në rafineri nga kompania azere.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Nxjerin ar dhe ska me cfare ti paguajne sa turp
Përgjigju