POP 5

Lajmet më të lexuara të 5 minutave të fundit

Kronikë

Prezantohet drejtuesi i ri i prokurorisë Elbasan, Ibrahimi: Bëni në mënyrë të pavarur punë tuaj! Ajazi: Të garantohet siguria fizike e prokurorëve

Kryetari i KLP, Gent Ibrahimi tha se prokuroritë kanë nevojë për drejtues që kanë forcë morale dhe profesionale në mënyrë që të jeën efiçentë në punën e tyre. Nga ana tjetër drejtuesi i ri i Prokurorisë së Elbasanit, Kreshnik Ajazi kërkoi siguri fizike për prokurorët që të mund të bëjnë detyrën e tyre.

Kreshnik Ajazi do të jetë drejtuesi i ri i Prokurorisë së Elbasanit, i cili ndodhen në këtë detyrë prej 1 viti si i komanduar. Tashmë ai ka marrë detyrën në mënyrë zyrtare ku u prezantua ditën e sotme nga Kryetari i KLP, Gent Ibrahimi.

Teksa i uroi suksese në detyrën e tij Kreshnik Ajazit, Ibrahimi tha se prokuroritë kanë nevojë për drejtues që kanë forcë morale dhe profesionale në mënyrë që të jeën efiçentë në punën e tyre. Ibrahimi tha se prokuroret të jenë të pavarur në detyrën e tyre dhe se KLP është pikërisht për të garantuar sigurinë e tyre për te kryer detyrën.

“I uroj suksese Kreshnik Ajazit ne detyre. Sistemi i prokurorisë ka nevojë për lidership, i cili qëndron tek forca morale dhe profesionale e drejtuesit. Drejtuesi i prokurorisë ka një rol të rëndësishëm ne mbarëvajtjen dhe efiçences se punës në prokurori. Deri tani kemi arritur te emërojmë 5 drejtues prokurorie dhe mendoj se kemi bere zgjedhje te mira. Elbasani është një prokurori e cila kërkohet nga prokuroret, KLP nuk ka vështirësi te plotësojnë vakancat nëse ato dalin. Mënyra si ne garantojmë karrierën e prokuroreve, thelbësore për efiçencen e sistemit. Prokuroret duhet te mësohen me pavarësinë e tyre ne ushtrimit te detyrës. KLP po punon per t'ju garantuar juve autoritetin dhe sigurinë për te kryer detyrën”, tha Ibrahimi.

Kreshnik Ajazi tha se Prokuroria e Elbasanit ka dhënë rezultate të prekshme gjatë 2020 duke treguar se ky institucion ka mishëruar nevojën e reformës në drejtësi. Ajazi tha se janë goditur grupe kriminale, ndërsa kërkoi siguri fizike për prokurorët që të mund të bëjnë detyrën e tyre.

“Jam krenar që jam zgjedhur nga një institucion që mishëron nevojën e reformës në drejtësi. Gjatë 2020 kemi trajtuar një numër të madh çështje dhe kemi rezultate të prekshme në goditjen e strukturave kriminale në bashkëpunim me strukturat e policisë. Rezultatet janë të prokuroreve, jo të mijat. Elbasani ka problematikat e veta, jemi angazhuar me gjithë kapacitetet në hetimin sa më përngjashmëri të çështjeve sensitive për opinionin publik. Jemi të angazhuar të kemi rezultate konkrete në hetimin e korrupsionit dhe krimit të organizuar. Keni nevoje për investime në siguri fizike në institucion, përcaktimi i statusit të nëpunëseve civile ne prokurori dhe i kemi kërkuar Prokurorit të Përgjithshëm zgjedhjen e këtyre problemeve. Në prokurorinë e Elbasanit nuk ka asnjë zëvendësim prokurori gjatë 2020 pa shkak ligjor”, tha Ajazi.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15