Këtë pasdite në Shkodër, teksa u prezantua Bardh Spahia si kandidati i koalicionit 'Shtëpia e Lirisë' për zgjedhjet e pjesshme të 6 marsit, ish-kryeministri Sali Berisha, tha se në këto zgjedhje qytetarët nuk votojnë vetëm për kryetarin e bashkisë, por dhe për t’i prerë biletën sa më shpejt kreut të meduzës në Tiranë, Edi Ramës.
“Ka përdorur çdo mjet dhe degradoi tek zgjedhjet me tritol dhe me dron. Ka bërë çdo gjë për të shkelmuar votën e shqiptarëve. Armik i egër i Shkodrës, kjo vetëm si hakmarrje primitive, ai s’pajtohet dot me qëndrimin e Shkodrës dhe shkodranëve.”-tha Berisha.
Ish-kryeministri Berisha, i bëri edhe një thirrje kandidatit të Partisë Demokratike në Shkodër, Xhemal Bushatit. Berisha i bëri thirrje këtij të fundit ta lërë këtë fushatë, të bëjë disa ditë pushim dhe të takohen më vonë përsëri, se gabime bëjnë të gjithë.
“Xhemalit i bëj thirrje të mos bëhet si shoku Xhemal. Bëj disa ditë pushim dhe hajde takohemi sërish, se gabime bëjnë të gjithë. Ju ftoj të shndërrojmë 6 marsin në ditën e triumfit, idealeve tuaja, baballarëve, gjyshërve, traditës suaj, të rinjve, të ardhmes së Shkodrës.”-tha Berisha.
Ish-kryeministri, tha se 6 marsi do jetë festa e fitores së ‘Shtëpisë së Lirisë’ dhe Bardh Spahisë.
“Jam i bindur se me 6 mars, Shkodra do ngadhënjejë mbi të keqen, të shkuarën. Do votojë birin e saj, qytetarin e saj, intelektualin, shërbëtorin, mjekun, Bardh Spahia. Ai ka vlerat më të mira të mëkuara nga ky qytet i bekuar. Mishëron trashëgiminë e shkëlqyer të familjes së tij. Garon këtu edhe partia e Edi Ramës. Ai po e zbraz Shkodrën nga rinia.”-tha Berisha.
Bardh Spahia, kandidati i Berishës që garon për Bashkinë e Shkodrës në logon e "Shtëpia e lirisë", ka hedhur akuza të forta ndaj Lulzim Bashës duke thënë se ai nuk përfaqëson demokratët, por shet vlerat dhe kontributet e tyre për qëllime personale dhe për t'u pasuruar.
Spahia tha se PD nuk i përket humbësve kronikë, ndërsa u kërkoi votën demokratëve për të treguar se PD u përket atyre dhe jo Lulzim Bashës që mban zyrat me forcë.
20 kandidatë do të jenë në garë për zgjedhjet e 6 marsit që do të mbahen në 6 bashki të vendit. Nga 11 parti të regjistruara, vetëm 4 subjekte çojnë kandidatë. Zgjedhjet e pjesshme vendore do të zhvillohen për bashkitë Shkodër, Durrës, Dibër, Rrogozhinë, Vorë dhe Lushnjë.
Bardh Spahia, kandidati i Berishës që garon për Bashkinë e Shkodrës në logon e "Shtëpia e lirisë", ka hedhur akuza të forta ndaj Lulzim Bashës duke thënë se ai nuk përfaqëson demokratët, por shet vlerat dhe kontributet e tyre për qëllime personale dhe për t'u pasuruar. Spahia tha se PD nuk i përket humbësve kronikë, ndërsa u kërkoi votën demokratëve për të treguar se PD u përket atyre dhe jo Lulzim Bashës që mban zyrat me forcë.
"Jam këtu sot sepse shumë njerëz më kanë besuar dhe jam këtu pas një manifestimi demokratik të votës së lirë nga anëtarësia e PD. Askush nuk mund të na ndalë për të pasur një shtëpi dinjitoze, një parti fitues që nuk bën pazare me sakrificën e demokratëve. Vlerat tona më të mira i nxjerrin në pazar ata që dinë vetëm të humbasin dhe nuk njohin kontributin dhe vlerat e demokratëve. Ky është modeli më i keq, jam në këtë garë për ta zhbërë tërësisht këtë model. PD nuk është e atyre që mbajnë zyrat dhe refuzojnë të shohin realitetin por e demokratëve si ne këtu që nuk pranojnë modelin e imponimit. Me votën tuaj më 6 mars keni shansin për të treguar se PD nuk u përket atyre që e shohin PD si mënyrë për t'u pasuruar", tha Saphia.
Të pranishëm në prezantimin e Bardh Spahisë në Shkodër si kandidat i "Shtëpisë së lirisë", ishte edhe Voltana Ademi e Belind Këlliçi i cili u bëri thirrje demokratëve dhe të zhgënjyerve nga PS që të votojnë bardh Spahinë, pasi ai përfaqëson vlerat më të mira të Shkodrës.
"Një përshëndetje për kryetaren aktuale Voltana Ademi nuk lejoi që Bashkia të binte ne duart e paligjshmërisë dhe për këtë meriton mirënjohjen e të gjithë shkodranëve. Bardhit i uroj suksese dhe e di që do marrësh rezultat historik në këto zgjedhje. Këto zgjedhje kanë një rëndësi të madhe politike , ku nuk po luhet fati i bashkisë Shkodër, por po luhet fati i pluralizmit. Është e rëndësishme që çdo votë opozitare dhe të zhgënjyerve nga PS të shkojë për një djalë dhe një mjek që mishëron vlerat e këtij qyteti, Bardh Spahisë. Sot kam një mesazh për të rinjtë, ngrihuni në nivelin prindërve tuaj, ata e rrëzuan diktuarën sot është detyra jonë të ngrihemi dhe të rikthejmë pluralizmin në vend", tha Këlliçi.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Shkodër/ Nuk asgjësuan 1000 rrënjë hashashi në Shalë, pezullohen nga detyra 6 efektivë, njëri prej tyre ish shefi policie në Theth, sot pjesë e RENEA-s (EMRAT)
27 Nëntor, 19:25 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01
B.Spahia qenka mekuar me vlerat me te mira te qytetit?!Shkodra e meriton 100 % zjarrvenesin sepse qenka pasqyra e vlerave te Shkodres!
Përgjigju2 prilli eshte i Ali Spahise Ledi!
Përgjigju6 Marsi i Bardh Soahise thote Saliu ,po 2 Prilli i kujt eshte ?
Përgjigju2 prilli eshte i Ali Spahise!! Asnje tjeter, pervec Ali Spahise nuk e ka shkaktuar 2 prillin! Ne gjurmet e te atit vazhdoi edhe "Barlli" nese kujtoni djegjet tek shkolla e mesme Shejnaze Juka me rastin e zgjedhjeve vendore 2019.... nuk e kuptoj se si mund te pretendoje nje kandidat qe nuk banon ne nje qytet te behet major i saj?!! Nuk e kuproj se si nje popull me mend ne krye te votoje nje rob qe nuk banon prej 30 vitesh ne qytetin qe do te drejtoje??! Apo do te drejtoje me marioneta te tipit Çylybyli?!!