POP 5

Lajmet më të lexuara të 5 minutave të fundit

Politikë

Prezenca e OSBE-së në Shqipëri: Mbështesim zgjatjen e mandatit të institucioneve të vettingut

Ambasadori Vincenzo Del Monaco është shprehur se ka pasur progres i jashtëzakonshëm i Reformës në Drejtësi, prandaj ka deklaruar se mbështet zgjatjen e mandatit të institucioneve të vettingut.

Prezenca e OSBE-së në Shqipëri: Mbështesim zgjatjen e mandatit të institucioneve të vettingut

Ambasadori Vincenzo del Monaco

TIRANË- Listës së ndërkombëtarëve që kanë dalë bllok "pro" shtyrjes së afateve të Vettingut, është shtuar edhe OSBE. Pas SHBA, BE, Gjermanisë dhe Britanisë, edhe ambasadori Vincenzo del Monaco është shprehur se ka pasur progres i jashtëzakonshëm i Reformës në Drejtësi, prandaj ka theksuar se mbështet zgjatjen e mandatit të institucioneve të vettingut. Duke folur në një takim vjetor strategjik mes Prezencës dhe Zyrës së Këshillit të Evropës në Tiranë, Del Monaco shtoi se nuk ka një rrugë tjetër, duke mos gjykuar një kthim pas për Reformën në Drejtësi.

"Prezenca e OSBE-së në Shqipëri i bashkohet deklaratës të Delegacionit të Bashkimit Evropian dhe të ambasadës së Shteteve të Bashkuara në mbështetje të zgjatjes të mandatit të institucioneve të vetingut. Duke folur në një takim vjetor strategjik mes Prezencës dhe Zyrës së Këshillit të Evropës në TIranë, Kryetari i Prezencës, ambasadori Vincenzo Del Monaco, theksoi progresin e jashtëzakonshëm të arritur deri më tani në reformën në drejtësi dhe shprehu besimin e plotë për rezultate të mëtejshme në luftën kundër krimit dhe korrupsionit. Lidhur me zgjatjen e mandatit të institucioneve të vetingut, Ambasadori Del Monaco më tej përsëriti se ai nuk shikon ndonjë plan B apo kthim mbrapa në reformën në drejtësi", thuhet në njoftim. 

Këto deklarata vijnë vetëm pak orë pasi në Kuvend do të hidhen në votim propozime i mazhorancës për të ndryshuar Kushtetutën për zgjatjen e afateve të vettingut. 

Në qershor të 2022 Komisionit të Pavarur të Kualifikimit njohur si vetingu në shkallën e parë, i skadon afati, në një kohë që gjysma e gjyqtarëve dhe prokurorëve nuk i janë nënshtruar ende procesit të verifikimit për ligjshmërinë e pasurive, pastërtinë e figurës dhe aftësitë profesionale. Afati i këtij institucioni ishte 5 vite, për shqyrtimin e figurës së afro 800 subjekteve, gjë që nuk u arrit në kohë. Për këtë arsye mazhoranca ka artikuluar se do të kërkojë shtyrjen e afatit të trupës së shkallës së parë të vetingut dhe komisionerit publik, ndërsa i ka bërë thirrje opozitës që të bashkëpunojnë në këtë aspekt.

Kushtetuta ka parashikuar kur KPK-së i mbaron mandati, puna i kalon KLP-së dhe KLGJ-së. Por nga socialistët është argumentuar se mirë do të ishte zgjatja e mandatit pasi kur proces i filluar nga ky komision pra vetingu i gjyqtarëve dhe prokurorëve, të mbyllet nga ky komision.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46