Prifti dhe artisti At Spiro Katundi feston përvjetorin e 70-të me koncert

KORÇE- 70-vjetorin e lindjes At Spiro Katundi e festoi me një koncert të veçantë në teatrin "Andon Zako Çajupi" mes miqsh dhe të ftuar specialë.

“Koncert me dashurinë tuaj", ishte një pasqyrë e emocionit dhe gëzimit që At Spiro do të përjetonte gjatë mbrëmjes duke zgjedhur jo vetëm miqtë që do të ndante skenën por edhe repertorin e koncertit që përfshinte një gamë të gjerë këngësh.

Për At Spiron, ky moment ishte shumë emocional, pasi ai ka kaluar 58 vite të jetës së tij duke i kushtuar jetën artit, duke kënduar, aktruar dhe shkruar poezi e drama, që nga mosha 12 vjeçare. Ai e konsideron këtë përvjetor si një mundësi për të ndarë gëzimin me ata që e kanë mbështetur në këtë udhëtim artistik të gjatë.

Në skenë u ngjitën artistë të njohur të skenës si Bashkim Alibali, Myfarete Laze dhe Liljana Kondakçi, të cilët kontribuan në pasurimin e atmosferës me performancat e tyre. Ky koncert nuk ishte vetëm një shfaqje muzikore, por një akt i dashurisë dhe respektit për artin dhe miqësinë.

Këngëtarja e njohur Myfarete Laze, e cila ka një miqësi të gjatë me At Spiron mes emocionesh  kujtoi momentet e kaluara së bashku në skenë dhe theksoi se miqësia mes tyre është një lidhje e veçantë që ka mbijetuar dhe forcuar me kalimin e kohës.

Ky koncert ishte një festë e vërtetë e artit dhe miqësisë duke treguar se dashuria për muzikën dhe përkushtimi ndaj saj kalojnë përtej kufijve të moshës.

R.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?



×

Lajmi i fundit

Tragjedia me 59 viktima në Maqedoninë e Veriut: Dëgjuam të bërtitura, ndihmuam aq sa kemi pasur mundësi

Tragjedia me 59 viktima në Maqedoninë e Veriut: Dëgjuam të bërtitura, ndihmuam aq sa kemi pasur mundësi