POP 5

Lajmet më të lexuara të 5 minutave të fundit

Kronikë

Prindërit çojnë të birin 20-vjeçar pas hekurave: U bë agresiv, i binte telefoni pa pushim! I gjetëm doza kanabisi gati për shitje! Policia: Ishte përdorues droge

Një telefonatë e pazakontë mbërriti në sallën operative të Policisë së Tiranës, në një orë të vonë të natës, në një prej ditëve të para të tetorit. Burrë e grua po denonconin të birin 20-vjeçar, jo për dhunë në familje apo kanosje, siç janë rastet me të shpeshta të ngjashme. Burime nga policia vendosën që identitetin e personave të përfshirë t’a mbajnë të fshehtë, duke synuar jo emrat por mesazhin.

Prindërit çojnë të birin 20-vjeçar pas hekurave: U bë agresiv, i binte telefoni pa pushim! I gjetëm doza kanabisi gati për shitje! Policia: Ishte përdorues droge

Foto ilustruese

Një telefonatë e pazakontë mbërriti në sallën operative të Policisë së Tiranës, në një orë të vonë të natës, në një prej ditëve të para të tetorit. Burrë e grua po denonconin të birin 20-vjeçar, jo për dhunë në familje apo kanosje, siç janë rastet me të shpeshta të ngjashme. Burime nga policia vendosën që identitetin e personave të përfshirë t’a mbajnë të fshehtë, duke synuar jo emrat por mesazhin.

Kur shërbimet e policisë mbërritën në banesë, në një rrugicë pranë ish-Stacionit të Trenit, u gjendën të habitur. Çifti i bashkëshortëve, me të cilët rrinte edhe i biri, jetonin në kushte shumë të vështira ekonomike. Ata i kishin gjetur djalit të tyre, brenda një çante shpine, një sasi të konsiderueshme kanabis sativa, e cila ishte ndarë në doza të vogla, gati për t’u shitur. Në çantë u gjetën më shumë se 1 kg lëndë narkotike kanabis. Prindërit e djalit nuk kishin asnjë dijeni se ai merrej me shitje droge, e megjithatë nuk nguruan dhe thirrën në ndihmë autoritetet, duke zgjedhur një rrugë të vështirë, e megjithatë, ndoshta, më të saktën.

Por, i biri i tyre 20-vjeçar nuk ishte krejtësisht i panjohur për policinë, pasi njihej si përdorues i lëndëve narkotike. Prindërit e të riut i thanë policisë se javët e fundit kishin vërejtur lëvizje të çuditshme të të birit, sipas të cilëve ishte jo i qetë dhe më agresiv se zakonisht. Celulari i binte gjithë kohës, u tha e ëma oficerëve, ndërsa të krijonte përshtypjen se merrte urdhra nga dikush tjetër, çfarë shtoi jo pak merakun se i biri po merrej me diçka të paligjshme.

I denoncuar nga vetë prindërit, i riu u arrestua dhe tashmë pritet të përballet me akuzën “prodhimi dhe shitja e narkotikëve”, teksa procedurat në lidhje me rastin kanë nisur nga ana e policisë dhe prokurorisë. Dy prindërit preferuan arrestimin e djalit të tyre, se sa vijimin e tij në një rrugë pa krye, e cila në të ardhmen mund t’i rrezikonte edhe jetën.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tushi: 04/10/2022 02:13

    Vetem mall jan tu pi pellazgo iliret…. Ne fakt e ka thene edhe Donald Trump: shqiptaret jane agresiv nese inatosen jemi ne luften e tret boterore.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56